ທຳນຽບຂາວໃຫ້ການປະຕິເສດວ່າ ບໍ່ມີເຮືອບິນຊອດແນມຂອງສະຫະລັດໃນນ່ານຟ້າປະເທດຈີນ ພາຍຫຼັງທີ່ຈີນກ່າວວ່າ ມີປຸມເປົ້າຂອງສະຫະລັດອາເມຣິກາ ບິນເທິງນ່ານຟ້າຂອງຕົນມາຫຼາຍກວ່າ 10 ເທື່ອ ໂດຍບໍ່ໄດ້ຮັບອະນຸຍາດນັບຕັ້ງແຕ່ປີ 2022.
ອີງຕາມສຳນັກຂ່າວ ABC Australia News ໄດ້ລາຍງານວ່າ: ຈອນ ເຄີບີ ໂຄສົກຄວາມໝັ້ນຄົງແຫ່ງຊາດຂອງທຳນຽບຂາວ ແຫ່ງສະຫະລັດອາເມຣິກາ ໄດ້ກ່າວວ່າ “ບໍ່ມີເຮືອບິນຊອດແນມ ແລະ ບໍ່ມີປຸມເປົ້າຂອງສະຫະລັດອາເມຣິກາ ທີ່ບິນເທິງປະເທດຈີນ”.
ທີ່ທຳນຽບຂາວໃນວັນຈັນໄດ້ມີການຍິງປຸມເປົ້າ 3 ລູກ ທີ່ບໍ່ສາມາດລະບຸຕົວຕົນໄດ້ ໃນໄລຍະຫຼາຍມື້ມານີ້ ແລະ ຍັງບໍ່ຮູ້ວ່າຈຸດປະສົງທີ່ແທ້ແລ້ວແມ່ນເພື່ອການເຝົ້າລະວັງ ໃນລັກສະນະດຽວກັນກັບປຸມເປົ້າຂອງຈີນທີ່ບິນຜ່ານອາເມຣິກາໃນເດືອນແລ້ວນີ້ບໍ.
ວັດຖຸ 3 ອັນ ລວມທັງອີກ ອັນ 1 ທີ່ຖືກຍິງຕົກໃນວັນອາທິດທີ່ຜ່ານມາ ເທິງທະເລສາບຮູລອນ (Huron) ມັນໄດ້ບິນຢູ່ໃນລະດັບຕ່ຳຈົນອາດຈະກໍ່ໃຫ້ເກີດຄວາມສ່ຽງຕໍ່ການຈາລະຈອນທາງອາກາດ.
ເຖິງວ່າ ທ່ານ ໄບເດນ ຍັງບໍ່ມີຫຼັກຖານວ່າພວກເຂົາຖືກຊອດແນມ ຫຼື ແມ້ແຕ່ຈີນກໍຍັງບໍ່ສາມາດປະຕິເສດມັນໄດ້.