spot_img
Homeຂ່າວພາຍ​ໃນສຶກສາອົບຮົມກຸ່ມມົ້ວສຸມດື່ມນໍ້າກະທ່ອມ

ສຶກສາອົບຮົມກຸ່ມມົ້ວສຸມດື່ມນໍ້າກະທ່ອມ

Published on

ໃນວັນທີ 8 ກຸມພາ 2023 ຜ່ານມານີ້ ຢູ່ທີ່ຫ້ອງປະຊຸມພະແນກສະກັດກັ້ນ ແລະ ຕ້ານຢາເສບຕິດ ປກສ ແຂວງວຽງຈັນ ໄດ້ສຶກສາອົບຮົມກຸ່ມມົ້ວສຸມດື່ມນ້ຳກະທ່ອມ ແລະ ຜູ້ຂາຍ ໂດຍການເປັນປະທານຂອງ ພັທ ບຸນສີ ແກ້ວພະນົມໄຊ ຮອງຫົວໜ້າຫ້ອງຕໍາຫຼວດ ປກສ ແຂວງວຽງຈັນ ມີພະນັກງານທີ່ກ່ຽວຂ້ອງ, ພວກມົ້ວສຸມດື່ມນໍ້າກະທ່ອມ ແລະ ຜູ້ຂາຍ ພ້ອມດ້ວຍຜູ້ປົກຄອງເຂົ້າຮ່ວມ.

ไม่มีคำอธิบายรูปภาพ

ພັທ ບຸນສີ ແກ້ວພະນົມໄຊ ຮອງຫົວໜ້າຫ້ອງຕໍາຫຼວດ ປກສ ແຂວງວຽງຈັນ ກ່າວວ່າ: ເພື່ອເປັນການປ້ອງກັນ ແລະ ສະກັດກັ້ນປະກົດການຫຍໍ້ທໍ້ໃນດ້ານຕ່າງໆ ໃຫ້ຫຼຸດໜ້ອຍຖອຍລົງເທື່ອລະກ້າວ ໃຫ້ມີຄວາມເປັນລະບຽບຮຽບຮ້ອຍດີ ໂດຍປະຕິບັດຕາມແຈ້ງການຂອງກະຊວງປ້ອງກັນຄວາມສະຫງົບ ສະບັບເລກທີ 13/ປກສ ລົງວັນທີ 14 ກັນຍາ 2022 ເລື່ອງ: ການເພີ່ມທະວິການຄວບຄຸມ ແລະ ສະກັດກັ້ນ ການປູກ , ຜະລິດ , ປຸງແຕ່ງ, ຊົມໃຊ້, ຄ້າຂາຍ, ຈໍາໜ່າຍ, ຂົນສົ່ງ, ມີໄວ້ຄອຍຄອງ, ນໍາເຂົ້າ, ສົ່ງອອກ ພືດທີ່ມີສານເສບຕິດ ຫຼື ຜະລິດຕະພັນທີ່ມີສານປະສົມສານຕັ້ງຕົ້ນ ແລະ ສານປະເພດຕ່າງໆ ໂດຍບໍ່ຖຶກຕ້ອງຕາມກົດໜາຍ, ພ້ອມທັງເປັນການຜັນຂະຫຍາຍນິຕິກຳ, ຄໍາສັ່ງ ກ່ຽວກັບການຈັດຕັ້ງປະຕິບັດວາລະແຫ່ງຊາດວ່າດ້ວຍການແກ້ໄຂບັນຫາຢາເສຍຕິດ 2021-2023 ສະບັບເລກທີ 19/ນຍ ແລະ ເປັນການເພີ່ມທະວີວຽກງານກວດກາ, ຄວບຄຸມ, ສະກັດກັ້ນ ແລະ ຕ້ານຢາເສບຕິດ ແນໃສ່ເຮັດໃຫ້ສັງຄົມມີຄວາມເປັນລະບຽບຮຽບຮ້ອຍ, ມີຄວາມປອດໄພໃນສັງຄົມ, ຫ້າມບຸກຄົນ, ນິຕິບຸກຄົນ,ຜູ້ປະກອບການ, ຮ້ານອາຫານ, ຮ້ານບັນເທິງ, ໂຮງແຮມ ແລະ ການຈັດຕັ້ງປູກ, ຜະລິດ, ປຸງແຕ່ງ, ຊົມໃຊ້, ຄ້າຂາຍ, ຈໍາໜ່າຍ, ຂົນສົ່ງ, ມີໄວ້ຄອຍຄອງ, ນໍາເຂົ້າ, ສົ່ງອອກ ພືດທີ່ມີສານເສບຕິດ ປະເພດ: ຢາຝີ່ນ, ກະທ່ອມ ແລະ ຜະລິດຕະພັນທີ່ມີສານປະສົມສານຕັ້ງຕົ້ນ ແລະ ສານປະເພດຕ່າງໆ ເຊັ່ນ: ຢາສູບໄຟຟ້າ-ຊິຊ່າ(ບາລາກູ), ຂາຄູ່, ກາເຟ ແລະ ປູມເປົ້າອັດແກ໌ສສານໄນຕັດອ໋ອດໄຊທ໌ (N2O) ຖ້າຜູ້ໃດຫາກລະເມີດຈະຖືກສຶກສາອົບຮົມ ກ່າວເຕືອນ, ປັບໄໝ ແລະ ຖືກດໍາເນີນຄະດີໃນສະຖານເບົາ ຫຼື ໜັກ ຕາມທີ່ໄດ້ກໍານົດໄວ້ໃນກົດໝາຍ ແລະ ລະບຽບການຢ່າງເຂັ້ມງວດ, ສະນັ້ນມາໃນວັນທີ 8 ກຸມພາ 2023 ຜ່ານມານີ້ ພະແນກສະກັດກັ້ນ ແລະ ຕ້ານຢາເສບຕິດ ປກສ ແຂວງວຽງຈັນ ໄດ້ນຳເອົາເປົ້າໝາຍມົ້່ວສຸມດື່ມນໍ້າກະທ່ອມຈຳນວນ 7 ຄົນ ແລະ ຜູ້ ຂາຍ ຈຳນວນ 2 ຄົນ ມາສຶກສາອົບຮົມກ່າວເຕືອນ ແລະ ປັບໄໝ ພ້ອມທັງໄດ້ຢືດຂອງກາງສ່ວນປະສົມຂອງນໍ້າກະທ່ອມ ມີ ໃບກະທ່ອມ 17 ກິໂລກະລາມ, ໂອອິຊີຈຳນວນ 9 ແກັດ, ຢາດີໄອ 327 ແກ້ວ, ນໍ້າຕານສົດ 24 ແກັດ ແລະ ຢາສູບໄຟຟ້າ-ຊິຊ່າ(ບາລາກູ)ຈໍານວນ 25 ອັນ.

ไม่มีคำอธิบายรูปภาพ

อาจเป็นรูปภาพของ 7 คน, ผู้คนกำลังยืน และ สถานที่ในร่ม

ຂ່າວຈາກ ປກສ ແຂວງວຽງຈັນ

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...