ວັນທີ 7 ກຸມພາ 2023 ເວລາປະມານ 10:30 ໂມງ ເກີດອຸບັດຕິເຫດ ລົດບັນທຸກ 10 ລໍ້ ສີຂາວ ໝາຍເລກທະບຽນ ບຄ 0494 ກຳແພງນະຄອນ ຕຳກັບ ລົດໂຄງປະກອບ (ລົດຊິງ) ຢູ່ເສັນທາງ 5 A ເຂດບ້ານ ນ້ຳຊານ ເມືອງ ລ້ອງແຈ້ງ ແຂວງໄຊສົມບູນ ອຸບັດຕິເຫດດັ່ງກ່າວເຮັດໃຫ້ມີຜູ້ເສຍຊີວິດ 2 ຄົນ.
ພັຕ ອານົງ ນໍລະສິງ ຫົວໜ້າພະແນກຕໍາຫຼວດຈະລາຈອນ ແຂວງໄຊສົມບູນ ລາຍງານໃຫ້ຮູ້ວ່າ: ກ່ອນເກີດເຫດ ມີລົດບັນທຸກ 10 ລໍ້ ຂັບຂີ່ມຸ້ງໜ້າມາແຕ່ ເມືອງລ້ອງແຈ້ງ ຈຸດປະສົງຈະໄປທາງ ເມືອງອານຸວົງ, ພໍມາຮອດຈຸດເກີດເຫດເຂດບ້ານ ນໍ້າຊານ ທີ່ເປັນເສັ້ນທາງໂຄ້ງ ໄດ້ຕໍາເອົາລົດຊິງທີ່ຂັບຂີ່ສວນທາງມາຢ່າງແຮງເຮັດໃຫ້ມີພາຫະນະເປແພ ໃຊ້ການບໍໄດ້ 1 ຄັນ, ສົມຄວນ 1 ຄັນ, ຄົນໄດ້ຮັບບາດເຈັບເລັກນ້ອຍ 1 ຄົນ, ສາຫັດ 2 ຄົນ ຍິງ 1 ຄົນ ແລະ ເສຍຊີວິດ 2 ຄົນ; ເຊິ່ງຜູ້ເສຍຊີວິດຊື່ ນາງ ໄມ້ດົວຢ່າງ ອາຍຸ 38 ປີ ແລະ ນາງ ຊີໝີວ່າງ ອາຍຸ 1 ປີ ທັງສອງຄົນປະຊາຊົນຢູ່ບ້ານນໍ້າຍອນ ເມືອງອານຸວົງ ແຂວງ ໄຊສົມບູນ.
ພາຍຫຼັງເກີດອຸບັດຕິເຫດຜູ້ຂັບຂີຫລົດບັນທຸກ ແມ່ນໄດ້ລົບໜີ ອອກຈາກສະຖານທີເກີດເຫດ; ສ່ວນສາເຫດທີ່ພາໃຫ້ເກີດອຸບັດຕິເຫດຍ້ອນຂັບຂີ່ລົດໄວເກີນຂອບເຂດ.