ເຈົ້າໜ້າທີ່ ປກສ ແຂວງວຽງຈັນ ໄດ້ຈັບຕົວ ທ້າວ ສົນ ອາຍຸ 46 ປີ ຢູ່ບ້ານຖ້ຳເທີບ ເມືອງກາສີ ມາດຳເນີນຄະດີຕາມລະບຽບ
ກົດໝາຍ, ພາຍຫລັງຜູ້ກ່ຽວໄດ້ໃຊ້ມີດແທງເມຍຈົນເສຍຊີວິດຍ້ອນເມຍບໍ່ໃຫ້ເງິນໄປຊື້ເຫລົ້າ.
ເຫດການດັ່ງກ່າວເກີດຂຶ້ນ ເວລາ 22:00 ໂມງຂອງວັນທີ 10 ພະຈິກ 2014, ເຊິ່ງທ້າວ ສົນ ຮັບສາລະພາບວ່າ: ມື້ເກີດເຫດຢູ່
ເຮືອນຕົນແມ່ນເຮັດພິທີສູ່ຂວັນ, ພາຍຫລັງສຳເລັດການຜູກແຂນ ກໍໄດ້ດື່ມກິນຊຸມແຊວກັບຍາດພີ່ນ້ອງ ແລະ ໝູ່ເພື່ອນ
ຈົນຮອດເວລາປະມານ 22:00 ໂມງເຫລົ້າໝົດ, ຈຶ່ງໄດ້ໄປຂໍເງິນນຳເມຍ ເພື່ອຊື້ເຫລົ້າມາຕື່ມ, ແຕ່ເມຍບໍ່ໃຫ້ຈື່ງເກີດມີການ
ຜິດຖຽງກັນ ແລະ ດ້ວຍຄວາມມືນເມົາ ບວກກັບຄວາມໂມໂຫຕົນຈຶ່ງເຂົ້າໄປຈັບເອົາມີດຢູ່ໃນເຮືອນອອກມາ ແທງບໍລິເວນ
ໜ້າເອີກຂອງເມຍເສຍຊີວິດຄາທີ່.
ເຈົ້າໜ້າທີ່ໃຫ້ຮູ້ວ່າ: ທ້າວ ສົນ ແລະ ເມຍ ແຕ່ງງານກັນມາໄດ້ 10 ກວ່າປີ, ມີລູກນຳກັນ 4 ຄົນ, ໂດຍທ້າວສົນເປັນຄົນມັກດື່ມ
ເຫລົ້າ ແລະ ມັກຜິດຖຽງກັບເມຍເປັນປະຈຳ, ກ່ອນຊີວິດຄູ່ຂອງທັງສອງຈະລົງດ້ວຍເຫດສະຫລົດໃຈດັ່ງກ່າວ.
ແຫລ່ງຂ່າວ: ລາວພັດທະນາ