ລາຍງານໂດຍສຳນັກຂ່າວ Reuters ໃຫ້ຮູ້ວ່າ: Chrach Pov ອາຍຸ 43 ປີ ຈາກແຂວງສຽບຣຽບ, ປະເທດກຳປູເຈຍ, ລາວມີແຮງບັນດານໃຈສ້າງເຮືອນເປັນຮູບແບບຄືຍົນ ເນື່ອງຈາກລາວບໍ່ມີໂອກາດໄດ້ຂີ່ເຮືອບິນ ເຮັດໃຫ້ລາວມີແນວຄິດທ້ອນເງິນ ເພື່ອປຸກເຮືອຮູບແບບຈຳລອງຄືເຮືອບິນລຳໜຶ່ງ.

ເຮືອນມີ​ໂຄງ​ສ້າງ​ສູງຈາກພື້ນດິນ 6 ແມັດ,​ ມີ​ 2 ​ຫ້ອງ​ນອນ​ ແລະ​ 2 ຫ້ອງ​ນ​ໍ້າ, ເຊິ່ງລາວໃຊ້ງົບປະມານໃນການສ້າງແມ່ນ 20,000 ໂດລາສະຫະລັດ. ແຕ່ໃນປັດຈຸບັນ ລາວຍັງສືບຕໍ່ປຸກສ້າງເຮືອນແບບຈຳລອງຄືຍົນນີ້ຕໍ່ ເນື່ອງຈາກຍັງບໍ່ທັນສຳເລັດ100ສ່ວນຮ້ອຍ ແລະ ໃນອະນາຄົດລາວກໍຈະເຮັດຮ້ານຄາເຟ່ຢູ່ຂ້າງເຮືອນຂອງລາວອີກດ້ວຍ.