ຕຳຫລວດລັດໂອໄຮໂອ ສະຫະລັດອາເມຣິກາ ຍິງເດັກນ້ອຍ 12 ປີ ເສຍຊີວິດ ເຫດຖືປືນປອມຫລິ້ນຢູ່ສະໜາມເດັກ

ນ້ອຍ.

ສຳນັກຂ່າວຕ່າງປະເທດລາຍງານ ໃນວັນທີ 24 ພະຈິກນີ້ວ່າ ເຫດເກີດຂຶ້ນໃນວັນທີ 23 ພະຈິກຜ່ານມານີ້ ຢູ່ລັດໂອໄຮໂອ

ສະຫະລັດອາເມຣິກາ ເມື່ອຕຳຫລວດໄດ້ຍິງເດັກນ້ອຍຊາຍອາຍຸ 12 ປີ ເສຍຊີວິດ ເພາະເຫັນເດັກຖືປືນບີບີກັນ ເຊິ່ງເປັນ

ປືນປອມ ຫລິ້ນຢູ່ໃນສະໜາມເດັກນ້ອຍ ເຊິ່ງກາຍເປັນເລື່ອງສະເທືອນຂັວນຊາວອາເມຣິກັນຄະດີລ່າສຸດ.

ຕຳຫລວດ 2 ຄົນ ໄດ້ຮັບແຈ້ງຈາກປະຊາຊົນໃນເຂດນັ້ນວ່າ ພົບເຫັນເດັກນ້ອຍຖືປືນເລັງໃສ່ຜູ້ຄົນຢູ່ສະໜາມເດັກຫລິ້ນ

ເມື່ອໄດ້ຮັບແຈ້ງ ຕຳຫລວດທັງ 2 ຄົນກໍຟ້າວເຂົ້າໄປໃນພື້ນທີ່ ໂດຍເຫັນປືນເໜັບຢູ່ແອວຂອງເດັກນ້ອຍຜູ້ເຄາະຮ້າຍ

ທາງຕຳຫລວດຈິ່ງເອົາປືນຈີ້ ແລະ ສັ່ງໃຫ້ເດັກຄົນດັ່ງກ່າວຍົກມືຂຶ້ນ, ແຕ່ພາຍຫລັງເດັກຄົນນັ້ນ ຊ້ຳພັດເຮັດທ່າທາງຈະ

ຈົກເອົາປືນອອກມາຍິງຕຳຫລວດ ທາງຕຳຫລວດຈິ່ງໄດ້ຍິງເຂົ້າບໍລິເວນທ້ອງຂອງເດັກ 2 ນັດ ເຮັດໃຫ້ໄດ້ຮັບບາດເຈັບ

ສາຫັດ ແລະ ເສຍຊີວິດໃນມື້ຕໍ່ມາຢູ່ໃນໂຮງໝໍ.

ຈາກການກວດສອບປືນທີ່ເດັກນ້ອຍຄົນນັ້ນຖື ແມ່ນພົບວ່າເປັນປືນຈຳລອງ ເຊິ່ງປັດຈຸບັນຄະດີດັ່ງກ່າວ ຍັງຢູ່ໃນລະ

ຫວ່າງການສືບສວນຢ່າງລະອຽດ ຂະນະທີ່ປະເດັນດັ່ງກ່າວນີ້ ໄດ້ກາຍເປັນຫາງສຽງວິພາກວິຈານກັນຢ່າງໜາຫູໃນສັງ

ຄົມອາເມຣິກັນຂະນະນີ້.