ວັນທີ 26 ມັງກອນ 2023 ກົມການຂົນສົ່ງທາງຮາງ ໂດຍ ທ່ານ ອະທິພູ ຈິດຕະລານຸເຄາະ ຮອງອະທິການບໍດີການຂົນສົ່ງທາງຮາງຂອງປະເທດໄທ ພ້ອມດ້ວຍຄະນະ ລົງພື້ນທີ່ເພື່ອສົ່ງເສີມຄຸນະພາບການຂົນສົ່ງລະບົບຮາງຜ່ານແດນລະຫວ່າງ ລາວ-ໄທ.
ໂຄງການລົດໄຟລາວ-ຈີນ ເປັນສ່ວນໜຶ່ງຂອງການຂັບເຄື່ອນການພັດທະນາເສດຖະກິດລະຫວ່າງ ຈີນ ລາວ ແລະ ໄທ ເມື່ອເສັ້ນທາງລົດໄຟມີການເຊື່ອມຈາກຈີນ ລາວ ໄທ ກໍຈະຊ່ວຍຫຼຸດຕົ້ນທຶນການຂົນສົ່ງສິນຄ້າໄດ້ເຖິງ 30-50%.
ມູນຄ່າການຄ້າລະຫວ່າງປະເທດາວ-ໄທ ທີ່ຂົວມິດຕະພາບໄທລາວແຫ່ງທີ 1 ໃນປີ 2022 ທີ່ຜ່ານມາ ຮວມການນຳເຂົ້າ-ສົ່ງອອກ ມີມູນຄ່າເຖິງ 99.223 ລ້ານບາດ ເຖິງວ່າໂຄວິດ-19 ຈະສົ່ງຜົນກະທົບການຄ້າລະຫວ່າງປະເທດ ລວມເຖິງການເດີນທາງຂອງປະຊາຊົນ ແຕ່ການຄ້າລະຫວ່າງຊາຍແດນທີ່ຂົວມິດຕະພາບໄທລາວແຫ່ງທີ 1 ພົບວ່າໃນປະທີ່ຜ່ານມາ ການນຳເຂົ້າ-ສົ່ງອອກມີອັດຕາການເພີ່ມຂຶ້ນ ເມື່ອທຽບກັບປີ 2021 ເທົ່າ 39,79% ຫຼືປະມານ 28.244 ລ້ານບາດ.
ທາງການໄທໄດ້ລົງພື້ນທີ່ມາຍັງປະເທດລາວ ໄດ້ຮ່ວມປະຊຸມກັບກົມພາສີ ດ່ານພາສີສາກົນສິນຄ້າທ່າບົກ ທ່ານາແລ້ງ ເຊິ່ງດ່ານມີຄວາມສາມາດເກັບພາສີເຖິງ 29% ຂອງດ່ານເກັບພາສີທັງໝົດ ພ້ອມຍັງສຳຫຼວດຄວາມຄືບໜ້າການກໍ່ສ້າງສະຖານີລົດໄຟບ້ານຄຳສະຫວາດ ນະຄອນຫຼວງວຽງຈັນ ໂດຍສະຖານີນີ້ໄດ້ຮັບການສະໜັບສະໜູນເງິນກູ້ຈາກລັດຖະບານໄທ.
ໃນການຂົນສົ່ງສິນຄ້າຜ່ານລົດໄຟລາວໄທ ໃຫ້ມີຄວາມເໝາະສົມກຽມພ້ອມຮອງຮັບການຂົນສົ່ງ ໂດຍສາມາດຈັດຂະບວນລົດໄດ້ເຖິງ 14 ຂະບວນຕໍ່ມື້.
ໂດຍການຂົນສົ່ງສິນຄ້າຈາກໄທ ໄປ ຈີນ ໄດ້ແກ່ ໝາກໄມ້ສົດແຊ່ເຢັນ ສິ່ງຂອງຈຳເປັນໃນຊີວິດປະຈຳວັນ ຜະລິດຕະພັນເຄື່ອງຈາກ ເຄື່ອງຄອມພິວເຕີ ແລະ ສ່ວນປະກອບ ເຄື່ອງໃຊ້ໄຟຟ້າ ຕະຫຼອດຮອດລົດ ຢາງພາລາ ແລະ ໄມ້ແປຮູບ.
ແຫຼງ່ຂ່າວຈາກ ກົມການຂົນສົ່ງທາງຮາງ ກະຊວງຄົມມະນາຄົມ