ທາງເກົາຫຼີໃຕ້ວາງແຜນຍົກເລີກມາດຕະການໃສ່ໜ້າກາກອະນາໄມເມື່ອຢູ່ໃນອາຄານ ແຕ່ຍັງຈະໃສ່ເມື່ອຢູ່ໂຮງໝໍ ແລະ ຂົນສົ່ງສາທາລະນະ.
ໃນວັນທີ 20 ມັງກອນ 2023 ທ່ານ ຮັນ ດັອກຊູ ນາຍົກລັດຖະມົນຕີເກົາຫຼີໃຕ້ ປະກາດວ່າ ທາງການເກົາຫຼີໃຕ້ວາງແຜນທີ່ຈະຍົກເລີກມາດຕະການບັງຄັບໃສ່ໜ້າກາກອະນາໄມເມື່ອຢູ່ໃນຕຶກອາຄານ ໂດນຄາດວ່າຈະມີຜົນໃຊ້ຕັ້ງແຕ່ວັນທີ 30 ມັງກອນ ເປັນຕົ້ນໄປ.
ມາດຕະການບັງຄັບໃສ່ໜ້າກາກອະນາໄມເມື່ອຢູ່ຕຶກອາຄານ ເປັນມາດຕະການປ້ອງກັນໂຄວິດອັນສຸດທ້າຍແລ້ວ ເຊິ່ງກ່ອນໜ້ານີ້ກໍມີຫຼາຍມາດຕະການ ແຕ່ໄດ້ຍົກເລີກໄປເກືອບໝົດພາຍຫຼັງທີ່ເປີດປະເທດ.
ເຖິງວ່າຈະຫຼຸດມາດຕະການໃສ່ໜ້າກາກອະນາໄມເມື່ອຢູ່ອາຄານ ແຕ່ປະຊາຊົນກໍຕ້ອງໃສ່ເມື່ອຢູ່ໃນເຂດຊຸມຊົນແອອັດ ຫຼື ຈຸດທີ່ສ່ຽງ ເຊັ່ນ ໂຮງໝໍ ຮ້ານຂາຍຢາ ບໍລິການຂົນສົ່ງສາທາລະນະ.
ແຫຼ່ງຂ່າວ The Star