ກອງປະຊຸມຄົບຄະນະບໍລິຫານງານສູນ ກາງພັກ ຄັ້ງທີ 9 ສະໄໝທີ IX ໄດ້ຈັດຂຶ້ນແຕ່ວັນທີ 17 ເດືອນພະຈິກ ປີ 2014
ແລະ ໄດ້ສຳເລັດໃນວັນທີ 21 ຂອງເດືອນດຽວກັນ ທີ່ນະຄອນຫລວງວຽງຈັນ ພາຍໃຕ້ການເປັນປະ ທານຂອງ ສະຫາຍ
ຈູມມາລີ ໄຊຍະສອນ ເລຂາທິການໃຫຍ່ຄະນະບໍລິຫານງານສູນກາງພັກ ປະຊາຊົນປະຕິວັດລາວ ເຊິ່ງກອງປະຊຸມໄດ້
ລົງເລິກຄົ້ນຄວ້າ, ປຶກສາຫາລື, ໃຫ້ທັດສະນະ ແລະ ທິດຊີ້ນຳຫລາຍບັນຫາສຳຄັນດັ່ງນີ້:
ການດຳເນີນກອງປະຊຸມໃຫຍ່ອົງຄະນະພັກຂັ້ນເມືອງນັ້ນ ກອງປະຊຸມຄົບຄະນະໄດ້ໃຫ້ທິດຊີ້ນຳ ຄະນະພັກທີ່ກ່ຽວຂ້ອງ
ຮີບຮ້ອນກະກຽມດ້ານຕ່າງໆໃຫ້ຄົບຖ້ວນ ແລະ ຖອດຖອນບົດຮຽນ ຈາກບັນດາອົງຄະນະພັກເມືອງທີ່ໄດ້ດຳເນີນກອງ
ປະຊຸມໃຫຍ່ສຳເລັດຜົນ ແລ້ວ ຈຳນວນ 121 ເມືອງ ເພື່ອເຮັດໃຫ້ກອງປະຊຸມໃຫຍ່ອົງຄະນະພັກເມືອງຂອງຕົນ ໄດ້ຮັບ
ຜົນສຳເລັດດີຂຶ້ນກວ່າເກົ່າ ແລະ ໃຫ້ສຳເລັດການດຳເນີນກອງປະຊຸມໃຫຍ່ອົງຄະນະພັກຂັ້ນເມືອງທົ່ວປະເທດ ຊ້າສຸດ
ບໍ່ໃຫ້ກາຍເດືອນມັງກອນ ປີ 2015; ສຳລັບການດຳເນີນກອງປະຊຸມໃຫຍ່ອົງຄະນະພັກແຂວງ, ນະຄອນຫລວງ ແລະ
ບັນດາອົງການອ້ອມຂ້າງສູນກາງ ແມ່ນມີຄວາມສຳຄັນຫລາຍ ເພາະເປັນກອງປະຊຸມໃຫຍ່ ທີ່ກະກຽມໃຫ້ແກ່ການດຳ
ເນີນກອງປະຊຸມໃຫຍ່ທົ່ວປະເທດຂອງພັກ ດັ່ງນັ້ນ ກອງປະຊຸມຄົບຄະນະຈິ່ງໄດ້ເນັ້ນໜັກວ່າ: ການດຳເນີນກອງປະຊຸມ
ໃຫຍ່ອົງຄະນະພັກແຂວງ, ນະຄອນຫລວງ ແລະ ບັນດາອົງການອ້ອມຂ້າງສູນກາງນີ້ ຕ້ອງສຸມໃສ່ນຳພາການດຳເນີນ
ຊີວິດການເມືອງ, ການກະກຽມບຸກຄະລາກອນ ແລະ ເນື້ອໃນໃຫ້ຖືກຕ້ອງຕາມມະຕິກົມການເມືອງສູນກາງພັກ ກ່ຽວ
ກັບສາມສ້າງ ແລະ ຖືກກັບຈິດໃຈຄຳສັ່ງຂອງຄະນະເລຂາທິການສູນກາງພັກ ແນໃສ່ສ້າງແຂວງເປັນຫົວໜ່ວຍຍຸດ
ທະສາດ, ສ້າງບັນດາອົງການສູນກາງ ເປັນອົງການປະຕິບັດພາລະບົດບາດຄຸ້ມຄອງມະຫາພາກເປັນຕົ້ນຕໍ, ສ້າງພັກ
ປອດໄສເຂັ້ມແຂງໜັກແໜ້ນ, ເປັນແບບຢ່າງນຳໜ້າ ແລະ ມີຄວາມສາມາດນຳພາໃນເງື່ອນໄຂໃໝ່. ຕະຫລອດໄລ
ຍະການກະກຽມກອງປະຊຸມໃຫຍ່ນັ້ນ ຕ້ອງດຳເນີນໄປໂດຍຕິດພັນກັບການກະກຽມ ແລະ ສະເຫລີມສະຫລອງສອງ
ວັນປະຫວັດ ສາດຂອງພັກ ແລະ ຂອງຊາດ ໃນປີ 2015; ການເຮັດທົດລອງວຽກງານສາມສ້າງ ແລະ ການສືບຕໍ່ປັບ
ປຸງລະບົບການເມືອງຢູ່ຂັ້ນທ້ອງຖິ່ນຕິດພັນກັບວຽກງານ ສາມສ້າງ ຜ່ານການເຮັດທົດລອງໃນໄລຍະ 2 ປີຜ່ານມາ
ເຫັນວ່າວຽກງານດັ່ງກ່າວໂດຍລວມແລ້ວແມ່ນເຮັດຖືກທິດ ແລະ ໄດ້ຮັບຜົນສຳເລັດໃນເບື້ອງຕົ້ນ ເຊິ່ງກອງປະ
ຊຸມຄົບຄະນະໄດ້ຢືນຢັນວ່າ ວຽກງານສາມສ້າງແມ່ນຍຸດທະສາດ, ທັງແມ່ນມາດຕະການສະເພາະໜ້າ ແລະ ຍາວ
ນານຂອງພັກ ແນໃສ່ສ້າງຄວາມໝັ້ນຄົງໃຫ້ແກ່ລັດປະຊາທິປະໄຕປະຊາຊົນ ໂດຍສ້າງຄວາມເຂັ້ມແຂງແຕ່ຮາກຖານ
ຂຶ້ນມາ, ຊຸກຍູ້ພາລະກິດປ່ຽນແປງໃໝ່ ໂດຍສະເພາະຂົງເຂດເສດຖະກິດ ໃຫ້ມີການພັດທະນາຢ່າງແຂງແຮງຕາມ
ກົນໄກຕະຫລາດທີ່ມີການຄຸ້ມຄອງ ຂອງລັດ, ບັນລຸເປົ້າໝາຍສະຫັດສະວັດດ້ານການພັດທະນາ ແລະ ກຽມພື້ນ
ຖານອັນໜັກແໜ້ນ ໃຫ້ແກ່ການນຳເອົາປະເທດຫລຸດພົ້ນອອກຈາກສະຖານະພາບປະເທດດ້ອຍ ພັດທະນາ ໃນປີ
2020 ແລະ ສືບຕໍ່ກ້າວຂຶ້ນຢ່າງໜັກແໜ້ນສູ່ຈຸດໝາຍສັງຄົມນິຍົມ; ກອງປະຊຸມຄົບຄະນະໄດ້ເຫັນດີດ້ານຫລັກ
ການ ຕໍ່ເນື້ອໃນຮ່າງລາຍງານການເມືອງສະບັບທີ 2 ກໍຄື ຮ່າງແຜນພັດທະນາເສດຖະກິດ-ສັງຄົມແຫ່ງຊາດ 5 ປີ
ຄັ້ງທີ VIII, ຮ່າງແຜນຍຸດທະສາດຮອດປີ 2025 ແລະ ຮ່າງວິໄສທັດຮອດປີ 2030 ໂດຍມອບໃຫ້ອະນຸກຳມະການ
ເນື້ອໃນສືບຕໍ່ປັບປຸງເນື້ອໃນໃຫ້ຄົບຖ້ວນ, ສ່ອງແສງໃຫ້ເຫັນສະພາວະຄວາມເປັນຈິງຂອງປະເທດ ພ້ອມກັນນັ້ນ
ກໍສອດຄ່ອງກັບເງື່ອນໄຂແຫ່ງການເຊື່ອມຈອດກັບພາກພື້ນ ແລະ ສາກົນ; ສ່ວນການປັບປຸງລັດຖະທຳມະນູນ
ສະບັບປີ 2003 ນັ້ນ ກອງປະຊຸມໄດ້ມອບໝາຍໃຫ້ຄະນະກຳມະການລະດັບຊາດ ເພື່ອປັບປຸງລັດຖະທຳມະນູນ
ສົບທົບກັບທຸກພາກສ່ວນກ່ຽວຂ້ອງຢູ່ຂັ້ນສູນກາງ ແລະ ທ້ອງຖິ່ນ ຈັດສຳມະນາວິທະຍາສາດ, ທາບທາມ ແລະ
ລະດົມຄວາມຄິດຄວາມເຫັນ ຈາກບັນດາອົງການຈັດຕັ້ງຂອງພັກ, ລັດ, ແນວລາວສ້າງຊາດ ແລະ ບັນດາອົງການ
ຈັດຕັ້ງມະຫາຊົນ ພ້ອມດ້ວຍຕົວແທນທຸກພາກສ່ວນເສດຖະກິດ, ທຸກຊັ້ນຄົນ, ທຸກຊົນເຜົ່າ, ທຸກເພດໄວ ເພື່ອເຮັດ
ໃຫ້ລັດຖະທຳມະນູນສ່ອງແສງຢ່າງຄົບຖ້ວນ ເຖິງຄວາມມຸ່ງມາດປາຖະໜາຂອງປວງຊົນລາວທັງຊາດ, ສອດຄ່ອງ
ກັບຈຸດພິເສດ, ມູນເຊື້ອ, ບົດຮຽນ ແລະ ສະພາບການຕົວຈິງຂອງປະເທດເຮົາ.
ນອກຈາກນີ້ ກອງປະຊຸມຍັງໄດ້ຮັບຟັງການລາຍງານກ່ຽວກັບ ການເຄື່ອນໄຫວນຳພາ, ຊີ້ນຳຂອງກົມການເມືອງ
ແລະ ຄະນະເລຂາທິການສູນກາງພັກໃນໄລຍະ 6 ເດືອນຜ່ານມາ ແລະ ໄດ້ມອບໃຫ້ກົມການເມືອງ ແລະ ຄະນະ
ເລຂາທິການສູນກາງພັກ ຊີ້ນຳວຽກງານຈຸດສຸມຈຳນວນໜຶ່ງ ໃນ 6 ເດືອນຕໍ່ໜ້າ ໂດຍສະເພາະແມ່ນສຸມໃສ່ຊີ້ນຳ
ວຽກງານສຶກສາອົບຮົມການເມືອງ, ນຳພາແນວຄິດ ໃຫ້ຖັນແຖວພະນັກງານ, ສະມາຊິກພັກ, ທະຫານ, ຕຳ
ຫລວດ ແລະ ປະຊາຊົນທຸກເຜົ່າ, ທຸກຊັ້ນຄົນ ໃຫ້ມີຄວາມຮັບຮູ້, ເຂົ້າໃຈແນວທາງປ່ຽນແປງໃໝ່ຂອງພັກ ແລະ
ສະພາບການຕ່າງໆທີ່ເກີດຂຶ້ນໃນແຕ່ລະໄລຍະຢ່າງຖືກຕ້ອງ, ຮັບປະກັນສະຖຽນລະພາບທາງດ້ານການເມືອງ,
ຄວາມສະຫງົບ ແລະ ຄວາມເປັນລະບຽບຮຽບຮ້ອຍໃນສັງຄົມ ໃຫ້ຫລຸດໜ້ອຍຖອຍລົງເທື່ອລະກ້າວ, ພ້ອມກັນ
ນັ້ນກໍຊີ້ນຳການກະກຽມດ້ານຕ່າງໆໃຫ້ແກ່ການດຳເນີນກອງປະຊຸມ ໃຫຍ່ອົງຄະນະພັກແຕ່ລະຂັ້ນ ຕິດພັນກັບ
ການກະກຽມ ແລະ ສະເຫລີມສະຫລອງສອງວັນປະຫວັດສາດ, ຊີ້ນຳເສດຖະກິດມະຫາພາກໃຫ້ມີຄວາມໝັ້ນທ່ຽງ
ແລະ ຊີ້ນຳການບັນລຸເປົ້າໝາຍສະຫັດສະວັດດ້ານການພັດທະນາ, ຊີ້ນຳການພົວພັນ ແລະ ເຄື່ອນໄຫວຕ່າງປະເທດ
ຂອງພັກ ແລະ ລັດ ເປັນຕົ້ນ ການກຽມພ້ອມ ເພື່ອເຂົ້າຮ່ວມປະຊາຄົມເສດຖະກິດອາຊຽນ ແລະ ການເຊື່ອມ
ໂຍງສາກົນ, ອີກດ້ານໜຶ່ງທີ່ສຳຄັນແມ່ນໃຫ້ສຸມໃສ່ຊີ້ນຳການກະກຽມກອງປະຊຸມໃຫຍ່ ຄັ້ງທີ X ຂອງພັກ ໃຫ້ດຳ
ເນີນໄປຕາມຄາດໝາຍທີ່ວາງໄວ້.
ແຫລ່ງຂ່າວ: ສຳນັກຂ່າວສານປະເທດລາວ