ອິງຕາມການລາຍງານຂອງສຳນັກຂ່າວ ແຊຮນິວເອເຊຍ ໃນວັນທີ 19 ມັງກອນ 2023 ນີ້ວ່າ: ທ່ານນາງ Jacinda Ardern ນາຍົກລັດຖະມົນຕີນິວຊີແລນ ມີແຜນຈະລາອອກຈາກຕຳແໜ່ງໃນວັນທີ 7 ກຸມພານີ້ ແລະ ຈະບໍ່ລົງສະໝັກເລືອກຕັ້ງອີກ ໃນຂະນະທີ່ການເລືອກຕັ້ງທົ່ວໄປຂອງນິວຊີແລນມີຂຶ້ນໃນວັນທີ 14 ເດືອນຕຸລາ.
ທ່ານນາງ Jacinda Ardern ໄດ້ກ່າວວ່າ: ຂ້ອຍຕັດສິນໃຈທີ່ຈະໃຫ້ໂອກາດຕົວເອງ ໃນການຄິດທົບທວນວ່າ ຂ້ອຍຍັງມີສຶ່ງທີ່ຈຳເປັນຕ້ອງເຮັດອີກບໍ່ ຂ້ອຍອາດຈະສ້າງຄວາມເສຍຫາຍໃຫ້ກັບນິວຊີແລນ ຫາກຍັງຄົງຈະບໍລິຫານປະເທດຕໍ່ໄປ.
ຢ່າງໃດກໍຕາມ ທ່ານນາງ Ardern ນັບເປັນນາຍົກລັດຖະມົນຕີຍິງທີ່ອາຍຸນ້ອຍທີ່ສຸດໃນໂລກ ໂດຍເຂົ້າຮັບຕຳແໜ່ງໃນປີ 2017 ດ້ວຍອາຍຸ 37 ປີ ເຊິ່ງເປັນຜູ້ນຳພາປະເທດນິວຊີແລນຜ່ານເຫດການສຳຄັນຕ່າງໆ ອະທິ ເຫດການລະບາດຂອງພະຍາດໂຄວິດ-19, ເຫດການຜູເກໍ່ການຮ້າຍບຸກຍິງໂບດສອງແຫ່ງໃນເມືອງໄຄເຊິດ ລວມໄປເຖິງເຫດການພູເຂົາໄຟໄອແລນລະເບີດ.
ທີ່ມາ: the standard