ຄວາມຄິດເຫັນຂອງປະຊາກອນອິນເດຍເລີ່ມແຕກຕ່າງກັນອອກໄປ ເນື່ອງຈາກອົງການສະຫະປະຊາຊາດຄາດວ່າ ອິນເດຍຈະແຊງໜ້າຈີນ ກາຍເປັນປະເທດທີ່ມີປະຊາກອນຫຼາຍທີ່ສຸດໃນໂລກພາຍໃນປີນີ້.
ທີ່ປຶກສາໂຮງໝໍເດັກເຣນໂບຂັ້ນສູງ ໃນກຸງນິວເດລີ ປະເທດອິນເດຍ ກ່າວວ່າ ການທີ່ອິນເດຍມີປະຊາກອນຫຼາຍທີ່ສຸດໃນໂລກນັ້ນ ໝາຍເຖິງການທີ່ມີແຮງງານໄວໜຸ່ມເພີ່ມຂຶ້ນ ເຊິ່ງຈະເປັນເລື່ອງທີ່ດີຕໍ່ເສດຖະກິດ.
ແຕ່ວ່າ ການທີ່ມີປະຊາກອນຫຼາຍເກີນໄປ ໝາຍຄວາມວ່າພາວະຕໍ່ບັນຫາການສຶກສາ ບັນຫາດ້ານອາຫານ ແລະ ບັນຫາທາງດ້ານສາທາລະນະສຸກ ທີ່ຈະຕ້ອງມີການກຽມພ້ອມຫຼາຍຂຶ້ນ.
ທາງດ້ານປະຊາຊົນໃນນິວເດລີ ມີຄວາມຄິດເຫັນວ່າ ລັດຖະບານຄວນຈະມີມາດຕະການເພື່ອຢຸດການຂະຫຍາຍໂຕເພີ່ມຂຶ້ນຂອງປະຊາກອນໄດ້ແລ້ວ ເພື່ອຄວບຄຸມຈຳນວນປະຊາກອນ ແລະ ມັນບໍ່ເປັນເລື່ອງດີແນ່ນອນ ເພາະຈະມີທັງບັນຫາປະຊາກອນຫຼາຍເກີນໄປ ແລະ ບັນຫາເງິນເຟີ້ ຄວບຄູ່ກັນດ້ວຍ ລັດຖະບານຄວນຊອກຫາທາງແກ້ໄຂບັນຫານີ້.
ທັ້ງນີ້ ອິນເດຍມີປະຊາກອນໄວໜຸ່ມທີ່ມີອາຍຸລະຫວ່າງ 15-29 ປີ ເທົ່າກັບ 27,3% ຂອງປະຊາກອນທັງໝົດ ເຊິ່ງຖືວ່າເປັນໜຶ່ງໃນປະເທດທີ່ມີປະຊາກອນໄວໜຸ່ມຫຼາຍທີ່ສຸດໃນໂລກເຊັ່ນກັນ.
ແຫຼ່ງຂ່າວຈາກ ຣອຍເຕີ