spot_img
Homeຂ່າວພາຍ​ໃນພໍ່ຊູ້ສາວເລີຍຍິງພໍ່ຈົນເສຍຊີວິດ

ພໍ່ຊູ້ສາວເລີຍຍິງພໍ່ຈົນເສຍຊີວິດ

Published on

ທ້າວ ອາເອີ ຫຼື ຫຼື ຊາແຍ່ ອາຍຸ 19 ປີ ປະຊາຊົນ ບ້ານຢາງຫຼວງ ເມືອງສິງ ແຂວງຫຼວງນໍ້າທາ ໂມໂຫໂທສະໃສ່ຜູ້ເປັນພໍ່ຢ່າງຮຸນແຮງ ແລ້ວຈັບປືນແກັບ ຍິງໃສ່ 1 ບາດ ຈົນເສຍຊີວິດ ຍ້ອນບໍ່ພໍ່ໃຈໃຫ້ຜູ້ເປັນພໍ່ພົວພັນຊູ້ສາວແລ້ວໄລ່ແມ່ໜີ.

ພັຕ ອານຸສອນ ໄຊດວງຕາ ຮອງຫົວໜ້າພະແນກຕໍາຫຼວດ ປກສ ເມືອງສິງ ແຂວງຫຼວງນໍ້າທາ ໃຫ້ຮູ້ວ່າ: ເຫດການເກີດຂຶ້ນໃນວັນທີ 19 ພະຈິກ 2022 ຢູ່ບ້ານຢາງຫຼວງ ເມືອງສິງ ແຂວງຫຼວງນໍ້າທາ. ພາຍຫຼັງໄດ້ຮັບແຈ້ງຄວາມຈາກອໍານາດການປົກຄອງບ້ານ ໄດ້ແຕ່ງພະນັກງານວິຊາສະເພາະລົງກວດກາພົບເຫັຜູ້ເສຍຊີວິດ ຊື່ ທ້າວ ມືແຊະ ອາຍຸ 41 ປີ ປະຊາຊົນ ບ້ານຢາງຫຼວງ ເມືອງສິງ ພົບເຫັນຮ່ອງຮອຍລູກປືນຍິງເຂົ້າບໍລິເວນຮ່າງກ່າຍ 3 ຈຸດ ກົກແຂນເບື້ອງຊ້າຍ 1 ລູກ, ກ້ອງຂີ້ແຮ້ເບື້ອງຊ້າຍ ແລະ ເບື້ອງຂວາ 1 ລູກ.

ທ້າວ ອາເອີ ຮັບສາລະພາບວ່າ ໄລຍະຜ່ານມາພາຍໃນຄອບຄົວ ມີຄວາມສະຫງົບດີ ຈົນມາຮອດໄລຍະປີ 2018-2019 ທ້າວ ມືແຊະ ຜູ້ເປັນພໍ່ ມີການພົວພັນຊູ້ສາວ ກັບ ນາງ ທາເຍາະ ອາຍຸ 40 ປີ ຄົນບ້ານດຽວກັນ ຈົນມີລູກ 1 ຄົນ; ຫຼັງຈາກນັ້ນ ຜູ້ເປັນພໍ່ໄດ້ເອົາມາຢູ່ເຮືອນນຳແລ້ວໄດ້ໃຫ້ ນາງ ອາຊື ຜູ້ເປັນເມຍຫຼວງ ພ້ອມກັບລູກ ອອກໄປອາໄສຢູ່ນຳລູກເຂີຍ, ເລີ່ມແຕ່ນັ້ນມາຄອບຄົວບໍ່ມີຄວາມສະຫງົບ ເກີດມີການຜີດຖຽງກັນເປັນປະຈໍາ ທັງເລື້ອງການແບ່ງປັນດິນມູນ, ການຢູ່ກິນ ເຄື່ອງໃຊ້ສອຍ ແລະ ອື່ນໆ; ມື້ເກີດເຫດ ຜູ້ເສຍຊີວິດໄດ້ຜິດກັນກັບທ້າວ ອາເອີ ຜູ້ເປັນລູກຊາຍຢ່າງຮຸນແຮງ, ຈາກນັ້ນ ລູກຊາຍໄດ້ຈັບເອົາປືນຢູ່ຂ້າງຝາເຮືອນ ຍິງໃສ່ ທ້າວ ມືແຊະ ຜູ້ເປັນພໍ່ບາດໜຶ່ງເຮັດໃຫ້ຜູ້ກ່ຽວໄດ້ຮັບບາດເຈັບສາຫັດແລ້ວເສຍຊິວີດ.

ແຫຼ່ງຂ່າວ ວາລະສານ ປ້ອງກັນຄວາມສະຫງົບ

ບົດຄວາມຫຼ້າສຸດ

ຕັ້ງໃຈ ຫຼື ອຸບັດຕິເຫດ! ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ

ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ ເຮັດໃຫ້ມີຜູ້ເສຍຊີວິດເປັນຈຳນວນຫຼາຍ. ສຳນັກຂ່າວຕ່າງປະເທດລາຍງານໃນວັນທີ 12 ກໍລະກົດ 2025, ໜ່ວຍງານສອບສວນອຸບັດຕິເຫດທາງອາກາດອິນເດຍ (AAIB) ໄດ້ເຜີຍແຜ່ລາຍງານເບື້ອງຕົ້ນກ່ຽວກັບສາເຫດທີ່ເຮັດໃຫ້ເຮືອບິນສາຍການບິນແອອິນເດຍ (Air India) ຖ້ຽວບິນທີ AI171...

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...