Homeຂ່າວຕ່າງປະເທດຕຳຫຼວດກວດພົບຢາເສບຕິດທີ່ຊາຍແດນ ລາວ-ຫວຽດນາມ ຈຳນວນ 6 ກິໂລກຣາມ

ຕຳຫຼວດກວດພົບຢາເສບຕິດທີ່ຊາຍແດນ ລາວ-ຫວຽດນາມ ຈຳນວນ 6 ກິໂລກຣາມ

Published on

ເຈົ້າໜ້າທີ່ກວດພົບຢາເສບຕິດລວມແລ້ວ 6 ກິໂລກຣາມ ທີ່ຢູ່ລົດເມ 4 ຄັນ ຢູ່ທີ່ດ່ານສາກົນລາວບາວ ລາວ-ຫວຽດນາມ  ແຂວງ​ກວາງ​ຈີ້ ປະເທດຫວຽດນາມ ໂດຍເຈົ້າໜ້າທີ່ໄດ້ຈັບຄົນຫວຽດນາມ 8 ຄົນ ໃນຂໍ້ຫາລັກລອບຂົນສົ່ງຢາເສບຕິດ.

ສຳນັກຂ່າວຫວຽດນາມໄດ້ລາຍງາຍວ່າ: ໃນຕອນເຊົ້າວັນພຸດ ທີ 11 ມັງກອນ 2023 ເຈົ້າໜ້າທີ່ຢູ່ດ່ານສາກົນລາວບາວ ໄດ້ດຳເນີນການກວດກາກະເປົາໃນລົດໂດຍສານຈຳນວນ 2 ຄັນ ທີ່ຫາກໍເດີນທາງຂ້າມມາໃນວຽດນາມ ລົດທັງສອງແມ່ນຕິດປ້າຍທະບຽນຫວຽດນາມ ເຊິ່ງພົບເຫັນຢາເສບຕິດ 1 ຫໍ່ ຢູ່ໃນລົດເມທັງສອງຄັນ ຢ່າງໃດກໍຕາມຢາ​ເສບ​ຕິດ​ບໍ່​ໄດ້​ຖືກ​ຍຶດ​ ແລະ ​ຍັງວາງໄວ້ລົດ​ເມຄືນ ​ແລະ​ ເບິ່ງ​ຄື​ວ່າ​ບໍ່​ມີ​ການ​ດຳເນີນການຫຍັງເທື່ອ​.

ແຕ່ຫຼັງຈາກນັ້ນເຈົ້າໜ້າທີ່ພາສີໄດ້ສົມທົບກັບຕໍາຫຼວດ ແລະ ອອກກວດຕາມຊາຍແດນເພື່ອຕິດຕາມລົດເມທັງສອງຄັນດັ່ງກ່າວ.

ໃນເວລາຕໍ່ມາຂອງມື້ດຽວກັນ ກໍໄດ້ຈັບ 3 ຄົນ ທີ່ກຳລັງຮັບຢາເສບຕິດມາຈຳນວນ 2 ຫໍ່ ທີ່ແຂວງທົວທຽນເຫ (Thua Thien–Hue) ທີ່ຕິດກັບແຂວງກວາງ​ຈີ້ ໃນນັ້ນເຈົ້າໜ້າທີ່ຕຳຫຼວດພົບເຫັນຢາເສບຕິດປະມານ 1,8 ກິໂລກຣາມ.

ຜ່ານການກວດກາເຮືອນທີ່ຜູ້ຖືກຫາທັງ 3 ຄົນ ພົບເຫັນຢາບ້າອີກ 40 ເມັດ ແລະ ເຄຕາມີນ 100 ກຣາມ.

ກ່ອນໜ້ານັ້ນ ໃນວັນທີ 8 ມັງກອນ 2023 ເຈົ້າໜ້າທີ່ດ່ານສາກົນລາວບາວ ລາວ-ຫວຽດນາມ ກໍພົບເຫັນຢາເສບຕິດຢູ່ລົດເມ 2 ຄັນ ທີ່ເຂົ້າມາຫວຽດນາມ ເຊິ່ງຄັນໜຶ່ງແມ່ນລົດຫວຽດນາມ ຄັນໜຶ່ງແມ່ນລົດລາວ.

​ໃນ​ຕອນ​ແລງ​ຂອງມື້ດຽວກັນ ຕຳຫຼວດ​ໄດ້​ຈັບ​ຜູ້​ຖືກ​ຫາ 5 ຄົນ ​ທີ່​ໄດ້​ຮັບ​ເຄື່ອງຢູ່ນະຄອນ​ດ່າ​ນັງ ຕຳຫຼວດ​ໄດ້​ພົບ​ເຫັນ​ຢາ​ເສບ​ຕິດ 4,4 ກິ​ໂລກຣາມທີ່​ເຊື່ອງ​ໄວ້​ຢູ່​ໃນ​ກະ​ເປົາ​.

ຫວຽດນາມ ແມ່ນ​ສູນຄ້າ​ຢາ​ເສບ​ຕິດ​ທີ່​ສຳຄັນ ​ເຖິງ​ວ່າຈະ​ມີ​ກົດໝາຍ​ວ່າ​ດ້ວຍ​ຢາ​ເສບ​ຕິດ​ທີ່​ເຄັ່ງ​ຄັດ​ທີ່​ສຸດ​ໃນ​ໂລກ.

ບົດຄວາມຫຼ້າສຸດ

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...

ແຂວງໃດກໍພົບເຫັນໄຊສົມບູນ ກວດພົບພະນັກງານສໍ້ລາດບັງຫຼວງ 12 ຄົນມູນຄ່າເສຍຫາຍ 10 ກວ່າຕື້ກີບ

ໃນຕອນເຊົ້າວັນທີ 11 ພະຈິກ 2026 ແຂວງໄຊສົມບູນ ໄດ້ເປິດກອງປະຊຸມສະຫຼຸບຕີລາວຽກງານກວດກາ ທົ່ວແຂວງ 5 ປີ (2021-2025) ແລະ ທິດທາງແຜນການ 5 ປີ...