ປັດຈຸບັນໃນຫຼາຍໆປະເທດກໍເຫັນວ່າໂຄວິດໄດ້ເລີ່ມອ່ອນໂຕລົງແລ້ວ ແຕ່ກໍຍັງມີຜູ້ທີ່ຕິດໂຄວິດມາເລື່ອຍໆຢູ່.

ໃນວັນທີ 12 ມັງກອນ 2023 ເວັບໄຊ້ worldometers ໄດ້ອັບເດດຈຳນວນຜູ້ຕິດໂຄວິດທີ່ຜ່ານມາທັງໝົດວ່າ: ຜູ້ຕິດເຊື້ອໂຄວິດທົ່ວໂລກມີຈຳນວນ 669,893,308 ມີຜູ້ເສຍຊີວິດຈາກໂຄວິດຈຳນວນ 6,720,910 ຄົນ ແລະ ຮັກສາແລ້ວ 641,199,026 ຄົນ.

ໃນນັ້ນ ປະເທດທີ່ຕິດໂຄວິດຫຼາຍກວ່າໝູ່ແມ່ນ ສ.ອາເມຣິກາ ຈຳນວນ 103,308,876 ຄົນ ຮອງລົງມາແມ່ນ ອິນເດຍ ຈຳນວນ 44,681,693 ຄົນ ແລະ ຝຣັ່ງ 39,428,779 ຄົນ, ແຕ່ປະເທດຈີນທີ່ຂຶ້ນຊື່ວ່າເປັນປະເທດທຳອິດທີ່ມີການແຜ່ລະບາດຂອງໂຄວິດ ແຕ່ມີຜູ້ຕິດເຊື້ອພຽງແຕ່ 2,023,904 ຄົນ.

ເຊິ່ງລາວເຮົາກໍມີຜູ້ຕິດເຊື້ອພະຍາດໂຄວິດ-19 ທັງໝົດ 217,915 ຄົນ ເສຍຊີວິດແລ້ວ 758 ຄົນ.

ເຖິງວ່າໃນຫຼາຍປະເທດຈຳນວນໂຄວິດ-19 ຈະມີໜ້ອຍລົງຫຼາຍແລ້ວ ແຕ່ກໍຍັງກັງວົນວ່າໂຄວິດຈະກັບມາລະບາດອີກຄັ້ງ.