ສາຍການບິນລາຄາປະຢັດຂອງອິນເດຍ “Go First” ຂຶ້ນບິນໂດຍລືມຜູ້ໂດຍສານ 50 ກວ່າຄົນ ທີ່ສະໜາມບິນ.
ວັນທີ 9 ມັງກອນ 2023 ສຳນັກຂ່າວອິນເດຍ ໄດ້ລາຍງານວ່າ: ສາຍການບິນລາຄາປະຢັດ “Go First” ຖ້ຽວບິນ G8 116 ບັງກາລໍ ຫາ ເດລີ ເວລາ 6:40 ນາທີ ເຮືອບິນໄດ້ບິນຂຶ້ນໂດຍທີ່ຍັງບໍ່ຮັບຜູ້ໂດຍສານຂຶ້ນເຄື່ຶອງບໍ່ຄົບ ລວມແລ້ວ 54 ຄົນ.
Most horrifying experience with @GoFirstairways
5:35 am Boarded the bus for aircraft
6:30 am Still in bus stuffed with over 50 passengers, driver stopped the bus after being forced.
Flight G8 116 takes off, leaving 50+ passengers.
Heights of negligence! @DGCAIndia— Shreya Sinha (@SinhaShreya_) January 9, 2023
ເຊິ່ງຜູ້ໂດຍສານ ໄດ້ເລົ່າເຫດການວ່າ: ໄດ້ກວດບັດເວລາ 5:35 ນາທີ ແລະ ແບ່ງອອກເປັນ 2 ລົດເມ ເຄື່ອງທີ່ຈະຂີ່ໄປຂຶ້ນເຮືອບິນໃນເວລາ 6:30 ນາທີ ແຕ່ປາກົດວ່າຜູ້ໂດຍສານທີ່ຢູ່ໃນລົດເມຄັນທີ 2 ຍັງບໍ່ທັນໄປຮອດເຮືອບິນ ແຕ່ວ່າເຮືອບິນໄດ້ບິນອອກໄປແລ້ວ ພ້ອມກັບສຳພາລະທັງໝົດຂອງຜູ້ໂດຍສານ.
ພາຍຫຼັງເກີດເຫດດັ່ງກ່າວ ຜູ້ໂດຍສານ 54 ຄົນທີ່ຍັງບໍ່ທັນຢູ່ເຮືອບິນກໍໄປຮຽກຮ້ອງກ່ຽວກັບຄວາມຜິດຂອງສາຍການບິນ ແລະ ບໍລິການພາກພຶ້ນ ທາງດ້ານສາຍການບິນຍັງບໍ່ໄດ້ຊີ້ແຈງກ່ຽວກັບເຫດການດັ່ງກ່າວ ແລະ ທາງກົມການບິນກຳລັງຂໍຄຳຕອບຈາກສາຍການບິນຕາມຄຳຮ້ອງຮຽນຂອງຜູ້ໂດຍສານ.