ວັນທີ 9 ມັງກອນ 2023 ໃນເວລາປະມານ 19:47 ນາທີ ເກີດເຫດໄຟໄໝ້ຮ້ານຂາຍອຸປະກອນເຄື່ອງໄຟຟ້າ ບໍລິສັດ ເຫີງຊິນ ສາຂາບ້ານນາສ້າວ ເມືອງໄຊ ແຂວງອຸດົມໄຊ.
ຕໍ່ເຫດການຄັ້ງນີ້ ໄດ້ສ້າງຜົນເສຍຫາຍຢ່າງຫຼວງຫຼາຍ ກອງບັນຊາການ ປກສ ແຂວງອຸດົມໄຊ ໄດ້ນຳພາກຳລັງດັບເພີງ ສົມທົບກັບໜ່ວຍງານວິຊາສະເພາະຫຼາຍພາກສ່ວນ ເຂົ້າໃຫ້ການຊ່ວຍເຫຼືອດັບມອດ ແລະ ຄວບຄຸມສະຖານະການ ຢ່າງເຕັມສ່ວນ ເພື່ອຄວບຄຸມສະກັດກັ້ນບໍ່ໃຫ້ໄຟລຸກລາມເປັນບໍລິເວນກວ້າງ ເພາະບໍລິເວນດັ່ງກ່າວຢູ່ໃກ້ເຮືອນຂອງປະຊາຊົນ ຍ້ອນພາຍໃນຮ້ານເຕັມໄປດ້ວຍວັດຖຸທີ່ຕິດໄຟໄດ້ງ່າຍ ຈຶ່ງເຮັດໃຫ້ໄຟລຸກໄໝ້ຢ່າງຮຸ່ນແຮງ ສົ່ງຜົນເສຍຫາຍຢ່າງຫຼວງຫຼາຍພໍສົມຄວນ ໂຊກດີບໍ່ມີຄົນໄດ້ຮັບບາດເຈັບ ແລະ ເສຍຊີວິດ ຕໍ່ກັບເຫດການຄັ້ງນີ້ເຈົ້າໜ້າທີ່ວິຊາສະເພາະ ສົມທົບຂະແໜງກ່ຽວຂ້ອງພວມເລັ່ງເກັບກຳສັນນະສູດ ຫາສາເຫດຂອງການເກີດອັກຄີໄຟຄັ້ງນີ້ ສ່ວນລາຍລະອຽດຈະແຈ້ງໃຫ້ຊາບພາຍຫຼັງ.
ຂ່າວ ປກສ ແຂວງອຸດົມໄຊ
ວິດີໂອ N’Bouawai Khounnasack