ອີກໜຶ່ງຕົວເລືອກສຳລັບການແຕ່ງໜ້າໃຫ້ງາມເຈີດ ສິ່ງທີ່ຕ້ອງຄຳນຶງເຖິງອັນດັບຕົ້ນໆ ຄື ການເລືອກບັສອອນໃຫ້ເຂົ້າກັບສີຜິວໜ້າ ເພາະບັສອອນຈະຊ່ວຍແຕ່ງແຕ້ມໃຫ້ພວງແກ້ມຂອງສາວໆ ເບິ່ງງາມໂດດເດັນ ແລະ ມີສີສັນສະດຸດທຸກສາຍຕາ ແຕ່ຈະເລືອກໃຊ້ແນວໃດດີໃຫ້ໃຜໆ ຕ້ອງຫລຽວເບິ່ງສາວໆ ຈະຕ້ອງເລືອກເສດສີໃຫ້ເໝາະສົມກັບສີຜິວໜ້າເປັນອັນດັບທຳອິດ
– ສາວຜິວຂາວ ສາມາດເລືອກໃຊ້ບັສອອນໄດ້ທຸກເສດສີ ໜ້າອິດສາແທ້ໆ ສຳລັບສາວຜິວຂາວ ເພາະບໍ່ວ່າຈະໃຊ້ບັສອອນສີຫຍັງກໍເບິ່ງງາມເປັນທຳມະຊາດໄປໝົດ ເຊັ່ນ ສີບົວອ່ອນ,ສີສົ້ມ ຖ້າໃຊ້ເສດສີເຫລົ່ານີ້ກໍຈະຍິ່ງເຮັດໃຫ້ເບິ່ງງາມໃສເປັນທຳມະຊາດແບບສຸດໆ
– ສາວຜິວສອງສີ ຄວນເລືອກໃຊ້ບັສອອນໂທນສີ ສີນ້ຳຕານ ແຕ່ຖ້າຈະໃຫ້ພວງແກ້ມງາມແບບສຸດໆ ສາວຜິວສອງສີຄວນຈະເລືອກປັດແກ້ມດ້ວຍໂທນສີສົ້ມ ຮັບຮອງວ່າງາມສຸດໆ
– ສາວຜິວຄ້ຳ ສຳລັບສາວຜິວຄ້ຳ ເວລາແຕ່ງໜ້າມັກຈະຮູ້ສຶກບໍ່ໝັ່ນໃຈເອົາ ໃຜວ່າສາວຜິວຄ້ຳຈະເມກອັບໃຫ້ງາມບໍ່ໄດ້ ເພາະການເລືອກບັສດອອນໃຫ້ເຂົ້າກັບສີຜິວຢ່າງໂທນສີນ້ຳຕານ ສີສົ້ມປະກາຍທອງ ຫລື ສີບົວເຂັ້ມ ກໍເບິ່ງຈະເປັນທາງເລືອກທີ່ດີເພາະຈະເຮັດໃຫ້ໜ້າເບິ່ງສະຫວ່າງຂຶ້ນ ແຕ່ຫ້າມໃຊ້ໂທນສີຊົມອອ່ນ ຫລື ສີສົ້ມ ໂດຍເດັດຂາດ ເພາະຈະເບິ່ງງາມຫວານແຕ່ກໍບໍ່ເໝາະກັບສາວຜິວເຂັ້ມ
ເຫັນບໍວ່າການເລືອກໃຊ້ບັັສອອນໃຫ້ເຂົ້າກັບສີຜິວໜ້າຂອງເຮົານັ້ນບໍ່ຍາກຢ່າງທີ່ຄິດ ເມື່ອຮູ້ແລ້ວກໍເຊົາກັງວົນໄປໄດ້ເລີຍວ່າບໍ່ຈະງາມ ເພາະບໍ່ວ່າຈະສະຖານນະການໃດກໍງາມໄດ້ແນ່ນອນ