Homeຂ່າວຕ່າງປະເທດອິນເດຍແຊງຍີ່ປຸ່ນຂຶ້ນເປັນຕະ​ຫຼາດ​ລົດ​​ອັນ​ດັບ 3 ຂອງ​ໂລກ

ອິນເດຍແຊງຍີ່ປຸ່ນຂຶ້ນເປັນຕະ​ຫຼາດ​ລົດ​​ອັນ​ດັບ 3 ຂອງ​ໂລກ

Published on

ອິນເດຍແຊງຍີ່ປຸ່ນຂຶ້ນເປັນຕະ​ຫຼາດ​ລົດທີ່ໃຫຍ່ເປັນ​​ອັນ​ດັບ 3 ຂອງ​ໂລກ ດ້ວຍຍອດຂາຍໃນປີ 2022 4,25 ລ້ານຄັນ ໂດຍລົດສ່ວນຫຼາຍເປັນລົດໃຊ້ນ້ຳມັນ.

ວັນທີ 7 ມັງກອນ 2023 Nikkei Asia ໄດ້ລາຍງານວ່າ: ຍອດຂາຍລົດຂອງອິນເດຍໃນປີ 2022 ສູງກວ່າຍີ່ປຸ່ນແລ້ວ ເຮັດໃຫ້ອິນເດຍກ້າວຂຶ້ນເປັນຕະຫຼາດລົດທີ່ໃຫຍ່ເປັນອັນດັບ 3 ຂອງໂລກແທນຍີ່ປຸ່ນ.

ຂໍ້ມູນທີ່ອຸດສາຫະກຳລົດໄດ້ເປີດເຜີຍອອກມາ ປະກອບມີຂໍ້ມູນລາຍງານຂອງສະມາຄົມຜູ້ຜະລິດລົດແຫ່ງອິນເດຍລະບຸວ່າ ໃນລະຫວ່າງເດືອນມັງກອນ ຫາ ເດືອນພະຈິກ 2022 ຍອດການສົ່ງມອບລົດໃນອິນເດຍແມ່ນ 4,13 ຄັນ ເມື່ອບວກຍອດຂາຍໃໝ່ໃນເດືອນທັນວາຂອງ Maruti Suzuki ຜູ້ຜະລິດລົດລາຍໃຫຍ່ທີ່ສຸດຂອງອິນເດຍ ໄດ້ລວມຍອດຂາຍໝົດປີປະມານ 4,25 ລ້ານຄັນ ເຊິ່ງອິນເດຍໄດ້ແຊງໜ້າຍີ່ປຸ່ນ ທີ່ມີຍອດຂາຍ 4,20 ລ້ານຄັນ.

ໃນຍອດຂາຍດັ່ງກ່າວ ສ່ວນຫຼາຍແມ່ນລົດທີ່ໃຊ້ນ້ຳມັນ ແລະ ລົດໄຮບຣິດເປັນຫຼັກ ລົດໄຟຟ້າແມ່ນຈຳນວນໜ້ອຍ ເຊິ່ງມັນສະແດງໃຫ້ເຫັນວ່າຜູ້ບໍລິໂພກໃນອິນເດຍສ່ວນໃຫຍ່ຍັງນິຍົມເປັນລົດທີ່ໃຊ້ນ້ຳມັນ ແລະ ລົດໄຮບຣິດ.

 

ບົດຄວາມຫຼ້າສຸດ

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ທີ່ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...

ແຂວງໃດກໍພົບເຫັນໄຊສົມບູນ ກວດພົບພະນັກງານສໍ້ລາດບັງຫຼວງ 12 ຄົນມູນຄ່າເສຍຫາຍ 10 ກວ່າຕື້ກີບ

ໃນຕອນເຊົ້າວັນທີ 11 ພະຈິກ 2026 ແຂວງໄຊສົມບູນ ໄດ້ເປິດກອງປະຊຸມສະຫຼຸບຕີລາວຽກງານກວດກາ ທົ່ວແຂວງ 5 ປີ (2021-2025) ແລະ ທິດທາງແຜນການ 5 ປີ...