Jeremy Renner ນັກສະແດງທີມ Avengers ຈາກຄ່າຍ Marvel ເກີດອຸບັດຕິເຫດໃນຂະນະທີ່ໄຖຫິມະ ໄດ້ຮັບບາດເຈັບທີ່ໜ້າເອິກ ແລະ ກະດູກຫຼັງຫັກ.
ໃນວັນທີ 1 ມັງກອນ 2022 Jeremy Renner ໄດ້ປະສົບອຸບັດຕິເຫດຈາກເຄື່ອງກວາດຫິມະ ທີ່ກຳລັງກວາດເອົາຫິມະອອກຈາກທາງເຂົ້າບ້ານຕົນເອງ Renner ເຂົ້າຮັບການຜ່າຕັດຮັກສາກະດູກໃນວັນຈັນທີ່ຜ່ານມາ ແລະ ຍັງຢູ່ໃນພະແນກຜູ້ປ່ວຍສະພາບວິກິດ ແຕ່ຊົງໂຕໄດ້.
ມາໃນວັນອັງຄານທີ 3 ມັງກອນ Renner ກໍໄດ້ອອກມາໂພສຜ່ານ Instagram ເປັນເທື່ອທຳອິດພາຍຫຼັງປະສົບອຸບັດຕິເຫດ ໂດຍສະພາບລາວຕອນນີ້ ໜ້າກໍຍັງມີຮອຍເລືອດ ແລະ ຮອຍຊ້ຳຈາກອຸບັດຕິເຫດ ພ້ອມທັງໃສ່ເຄື່ອງຊ່ວຍຫາຍໃຈ ແລະ ຂຽນຂໍ້ຄວາມຫາບັນດາແຟນຄັບທັງຫຼາຍວ່າ “ຂອບໃຈທຸກຄົນສຳລັບຄຳອວຍພອນດີໆ ຂ້ອຍຍັງມີອາການວິນຫົວຫຼາຍເກີນກວ່າທີ່ຈະພິມສົ່ງຫາໄດ້ ແຕ່ຂ້ອຍກໍຍັງສົ່ງຄວາມຮັກໄປໃຫ້ທຸກຄົນໄດ້”.
ທັ້ງນີ້ ຕົວແທນ Jeremy Renner ກໍຈະອອກມາອັບເດດອາການຂອງລາວໃຫ້ແຟນຄັບເລື່ອຍໆ.
ແຫຼ່ງຂ່າວ ຣອຍເຕີ