ທ່ານ Dmytro Kuleba ລັດຖະມົນຕີກະຊວງການຕ່າງປະເທດຂອງຢູເຄຣນ ເປີດເຜີຍວ່າ ຢູເຄຣນຕ້ອງການໃຫ້ຈັດກອງປະຊຸມນາໆຊາດ ວ່າດ້ວຍການຍຸດຕິສົງຄາມຈັດຂຶ້ນໃນຊ່ວງທ້າຍເດືອນກຸມພາປີໜ້າ.
ໃນວັນທີ 26 ທັນວາ 2022 ທ່ານ Dmytro Kuleba ໄດ້ໃຫ້ສຳພາດວ່າ ທະຫານຢູເຄຣນຈະໄດ້ຮັບການຝຶກຝົນນອກປະເທດ ເພື່ອຮຽນຮູ້ວິທີການໃຊ້ລະບົບປ້ອງກັນທາງອາກາດຂອງອາເມຣິກາ.
ໂດຍລະບຸວ່າ ໃນຊ່ວງບໍ່ຮອດ 6 ເດືອນນີ້ ຖານຍິງລູກສອນໄຟຈະເລີ່ມໃຊ້ວຽກໄດ້ ແລະ ຢູເຄຣນຈະຫາວິທີເພື່ອຊະນະສົງຄາມໃນປີໜ້າໃຫ້ໄດ້ ນອກນີ້ ລັດຖະບານຢູເຄຣນຍັງສະແຫວງຫາຄວາມຮ່ວມມືໃນສະຫະປະຊາຊາດ ເພື່ອຈັດກອງປະຊຸມສຸດຍອດສັນຕິພາບ ໃນເດືອນກຸມພາ ປີ2023 ເຊິ່ງຄົບຮອບ 1 ປີທີ່ມີການຂັດແຍ່ງກັນລະຫວ່າງຢູເຄຣນ-ຣັດເຊຍ.
ແຫຼ່ງຂ່າວ the guardian