ສະຫະພັນບານເຕະຟິຟໂປຣຂອງອີຣານ ໄດ້ອອກມາຖະແຫຼງການວ່າ ຮູ້ສຶກຕົກໃຈ ແລະ ເສຍໃຈ ພາຍຫຼັງທີ່ມີລາຍງານວ່າ ອາເມຍ ນາເຊີ-ອະຊາດານີ ນັກກິລາບານເຕະອີຣານ ຖືກຕັກສິນປະຫານຊີວິດ ເນື່ອງຈາກໄດ້ເຂົ້າຮ່ວມການປະທ້ວງຮຽກຮ້ອງສິດທິແມ່ຍິງ ທີ່ມີການປະທ້ວງທົ່ວປະເທດອີຣານ ສະຫະພັນຍັງຮຽກຮ້ອງໃຫ້ຍົກເລີກໂທດດັ່ງກ່າວ.
ວັນທີ 12 ທັນວາ 2022 ສະຫະພັນບານເຕະຟິຟໂປຣ ໂພສຂໍ້ຄວາມທາງ Twitter ຢ່າງເປັນທາງການວ່າ: ຮູ້ສຶກຕົກໃຈ ແລະ ຫົດຫູ່ທີ່ໄດ້ຍິນຂ່າວວ່າ ອາເມຍ ນາເຊີ-ອະຊາດານີ ນັກກິລາບານເຕະຕ້ອງຖືກປະຫານຊີວິດທີ່ປະເທດອີຣານ ຂໍ້ຫາຕໍ່ຕ້ານດ້ານສິດທິ ແລະ ເສລີພາບຂອງແມ່ຍິງໃນປະເທດຕົນເອງ ເຊິ່ງສະຫະພັນກໍຂໍຢຄຽງຂ້າງ ອາເມຍ ແລະ ຮຽກຮ້ອງໃຫ້ຍົກເລີກການລົງໂທດໃນທັນທີ.
ອາເມຍ ນາເຊີ-ອະຊາດານີ ອາຍຸ 26 ປີ ໄດ້ເຂົ້າຮ່ວມການປະທ້ວງຕໍ່ຕ້ານລັດຖະບານທີ່ກຳລັງຮຸນແຮງໃນປະເທດອີຣານ ເນື່ອງຈາກການເສຍຊີວິດຂອງ ມາຊາ ອາມິນີ ອາຍຸ 22 ປີ ທີ່ຖືກເຈົ້າໜ້າທີ່ຂອງທາງການທໍລະມານຈົນເສຍຊີວິດ ຕັ້ງແຕ່ເດືອນກັນຍາທີ່ຜ່ານມາ ເພາະລາວໄດ້ລະເມີດກົດການໃສ່ຜ້າຄຸມຫົວ.
FIFPRO is shocked and sickened by reports that professional footballer Amir Nasr-Azadani faces execution in Iran after campaigning for women’s rights and basic freedom in his country.
We stand in solidarity with Amir and call for the immediate removal of his punishment. pic.twitter.com/vPuylCS2ph
— FIFPRO (@FIFPRO) December 12, 2022
ແຫຼ່ງຂ່າວຈາກ NY Post