ເຂົ້າຈ້າວຂອງກຳປູເຈຍ ແລະ ໄທ ໄດ້ຮັບລາງວັນເຂົ້າທີ່ດີທີ່ສຸດໃນໂລກ ປະຈຳປີ 2014 ຮ່ວມກັນ ໃນກອງປະຊຸມເຂົ້າໂລກ
ຄັ້ງທີ 6 ທີ່ຈັດຂຶ້ນໃນນະຄອນຫລວງພະນົມເປັນ ມື້ວານນີ້ (20 ພະຈິກ).
ສຳນັກຂ່າວຕ່າງປະເທດລາຍງານວ່າ ທ່ານ ເຈເຣມີ ສະວິງເກີ ປະທານເຈົ້າໜ້າທີ່ບໍລິຫານຂອງອົງການການຄ້າເຂົ້າ ເຊິ່ງ
ເປັນຜູ້ຈັດການປະກວດໄດ້ກ່າວວ່າ ຕົວຢ່າງເຂົ້າ 25 ສາຍພັນ ຈາກ 15 ປະເທດ ແລະ ເຂດແດນໃນໂລກ ເຊິ່ງລວມມີກຳ
ປູເຈຍ, ໄທ, ຫວຽດນາມ, ອິນເດຍ, ມຽນມ້າ, ສະຫະລັດອາເມຣິກາ ແລະ ອື່ນໆອີກ ໄດ້ເຂົ້າຮ່ວມໃນການປະກວດໃນຄັ້ງນີ້
ເຊິ່ງຜົນຂອງການປະກວດ ແມ່ນເຂົ້າຈ້າວພັນລຳດວນ ຂອງກຳປູເຈຍ ແລະ ເຂົ້າຈ້າວຫອມມະລິຂອງໄທ ໄດ້ຮັບລາງວັນ
ເຂົ້າທີ່ດີທີ່ສຸດປະຈຳປີ 2014 ໂດຍການຕັດສິນ ແມ່ນຢູ່ບົນພື້ນຖານຂອງຮູບລັກສະນະ ແລະ ລົດຊາດຂອງເຂົ້າ.