ສຳນັກຂ່າວຕ່າງປະເທດລາຍງານຈາກນະຄອນຫຼວງກົວລາລຳເປີ, ມາເລເຊຍ ​ໃນ​ວັນ​ທີ 19 ທັນວາ​ນີ້​ວ່າ: ອົງການ​ອຸຕຸນິຍົມ​ວິທະຍາ​ແຫ່ງ​ຊາດ​ມາ​ເລ​ເຊຍ​ລາຍ​ງານ​​ເກີດ​ໄພ​ນ້ຳ​ຖ້ວມ​ກະທັນຫັນ ໃນ​ສ່ວນ​ໃຫຍ່​ຂອງ​ປະ​ເທດ​ ນີ້​ແມ່ນ​ຜົນ​ຂອງ​ຝົນຕົກ​ໜັກ​ມື້​ຜ່ານ​ມາ ໂດຍສະເພາະໃນລັດ Selangor ທີ່ອ້ອມຮອບກຸ່ມ Kuala Lumpur ໃນລະດັບນໍ້າຂອງ 11 ແມ່ນໍ້າທີ່ໄຫຼລົ້ນຝັ່ງ ແລະ​ ກັນເຈື່ອນ.

ໃນຂະນະບໍລິການລົດເມໃນຫຼາຍເສັ້ນທາງທີ່ອ້ອມຮອບ Kuala Lumpur ແລະ ລົດໄຟລະຫວ່າງ Klang ເຊິ່ງ​ແມ່ນ​ໜຶ່ງ​ໃນ​ເມືອງ​ທ່າ​ເຮືອ​ທີ່​ສຳຄັນ​ຂອງ​ມາ​ເລ​ເຊຍ ໂຈະການບໍລິການຊົ່ວຄາວ ເຊິ່ງໃນຕອນນີ້ຍອດປະຊາຊົນຜູ້ອົບອົບພະຍົບ 22.000 ກວ່າຄົນ ໃນເຂດທີ່ມີຄວາມສ່ຽງ.

ທັງນີ້, ມາ​ເລ​ເຊຍ​ໄດ້​ປະສົບ​ໄພ​ນ້ຳ​ຖ້ວມ​ຮ້າຍ​ແຮງ​ທີ່​ສຸດ​ເທົ່າ​ທີ່​ເຄີຍ​ມີ​ມາ. ໃນລະຫວ່າງທ້າຍປີ 2014 ຫາຕົ້ນປີ 2015 ມີຜູ້ເສຍຊີວິດຢ່າງໜ້ອຍ 24 ຄົນ ແລະ ສ້າງຄວາມເສຍຫາຍທາງດ້ານເສດຖະກິດປະມານ 560 ລ້ານໂດລາສະຫະລັດ.

ແຫຼ່ງຂ່າວ: DAILYNEWS