ນັກວິທະຍາສາດອາເມຣິກາ ໃນລັດຄາລິຟໍເນຍ ກ່າວໃນວັນອັງຄານ ທີ 14 ທັນວາາ 2022 ຜ່ານມາວ່າ: ພວກເຂົາປະສົບຜົນສໍາເລັດໃນການທົດລອງທີ່ສໍາຄັນ. ຈາກການສ້າງພະລັງງານໂດຍການປະສົມທາດນິວເຄຍ ຂອງອະຕອມແສງໃນປະຕິກິລິຍາ “nuclear fusion” ຖືເປັນບາດກ້າວທໍາອິດຂອງໂລກ ໃນຫົນທາງອັນໄກໃນການສ້າງພະລັງງານໄຟຟ້າດ້ວຍພະລັງງງານສະອາດ.
ການທົດລອງທີ່ເປັນກ້າວສຳຄັນຄັ້ງນີ້ເກີດຂຶ້ນເມື່ອວັນທີ 5 ທັນວາ 2022 ທີ່ຜ່ານມາ, ເມື່ອນັກວິທະຍາສາດ ສະຖາບັນ Lawrence Livermore National Lab ທົດລອງການຍິງເລເຊີ້ເພື່ອເຊື່ອມອະຕອມຂອງແສງສອງໜ່ວຍເຂົ້ານຳກັນ ແລະ ສາມາດເຮັດໃຫ້ກຂະບວນການດັ່ງກ່າວມີພະລັງງານເພີ່ມຂຶ້ນຕາມຂໍ້ມູນຈາກຖະແຫຼງການຂອງກະຊວງພະລັງງານສະຫະລັດ.
ທ່ານ ຄິມເບີລີ້ ຜູ້ອຳນວຍການ Lawrence Livermore National Lab ກ່າວວ່າ: ອີກ 10 ປີຂ້າງໜ້າ ຂະບວກການດັ່ງກ່າວ ເຊິ່ງເປັນປະຕິກິລິຍາ ການປະສົມທາດນິວເຄຍ ຈະສາມາດນຳໄປຂະຫຍາຍຜົນເພື່ອໃຊ້ສຳລັບໂຮງງນໄຟຟ້າໄດ້.
ໃນປັດຈຸບັນ, ມີຫຼາຍບໍລິສັດສຸມໃສ່ພັດທະນາພະລັງງານຈາກປະຕິກິລິຍາ “ການປະສົມທາດນິວເຄຍ ” ໜຶ່ງໃນນັ້ນກໍ່ແມ່ນ Focused Energy, ເຊິ່ງໄດ້ລະດົມທຶນຈາກພາກລັດ ແລະ ເອກະຊົນ 5 ຕື້ໂດລາ. ນອກຈາກນີ້ຍັງມີບໍລິສັດ Commonwealth Fusion ທີ່ຕ້ອງການພັດທະນາຂະບວນການສໍາລັບການລວມເອົາອະຕອມແສງດ້ວຍແມ່ເຫຼັກ ແທນການຍິງແສງເລເຊີ້.
ແຫຼ່ງຂ່າວ: VOA