ຊາວອິນເດຍສຸດຮືຮາ ເດັກເກີດໃໝ່ຖືກຳເນີດພ້ອມຂາ 4 ຂ້າງ ແລະ ແຂນ 4 ຂ້າງ ເຊື່ອເປັນບຸດຂອງພະພົມມາເກີດ
ສຳນັກຂ່າວຕ່າງປະເທດລາຍງານ ໃນວັນທີ 20 ພະຈິກນີ້ວ່າ ເດັກນ້ອຍຄົນດັ່ງກ່າວເປັນເພດຊາຍ ເຊິ່ງເກີດຢູ່ໃນໂຮງ
ໝໍແຫ່ງໜຶ່ງໃນລັດເບັງກອນຕາເວັນຕົກ ປະເທດອິນເດຍ ເຊິ່ງເກີດມາພ້ອມຄວາມຜິດປົກກະຕິຂອງຮ່າງກາຍ ຄື
ມີຂາ 4 ຂ້າງ ແລະ ແຂນອີກ 4 ຂ້າງ ເຊິ່ງຂາ ແລະ ແຂນທີ່ງອກເກີນອອກມານັ້ນ ແມ່ນອອກມາໃນບໍລິເວນທ້ອງຂອງ
ເດັກນ້ອຍຄົນດັ່ງກ່າວ ໂດຍຍາດພີ່ນ້ອງຕ່າງກໍເຊື່ອວ່າ ແມ່ນບຸດຂອງພະພົມລົງມາເກີດ.
ຫລັງຈາກຂ່າວການເກີດຂອງເດັກຄົນດັ່ງກ່າວ ໄດ້ເຜີຍແຜ່ອອກໄປສູ່ຊາວບ້ານ ກໍປະກົດມີຄົນຈຳນວນຫລວງຫລາຍ
ແຫ່ແຫນກັນມາເບິ່ງ ເພາະເຊື່ອວ່າເປັນບຸດຂອງພະພົມແທ້ ເຮັດໃຫ້ເກີດຄວາມວຸ້ນວາຍຂຶ້ນໃນໂຮງໝໍ ຈົນເຈົ້າໜ້າ
ທີ່ຕ້ອງໄດ້ເຂົ້າມາຄວບຄຸມສະຖານະການໄວ້.
ຊາວບ້ານບາງຄົນເຖິງກັບພາກັນມານັ່ງສວດມົນຢູ່ຕໍ່ໜ້າໂຮງໝໍ ແລະ ບາງຄົນກໍພາກັນຮ້ອງໄຫ້ ເພາະເຊື່ອວ່າເຫດ
ນີ້ອາດຈະເປັນສັນຍານຂອງວັນສິ້ນໂລກ.
ຢ່າງໃດກໍຕາມ ທາງດ້ານແພດໄດ້ອອກມາເປີດເຜີຍວ່າ ສິ່ງທີເກີດຂຶ້ນຈາກຄວາມຜິດປົກກະຕິດັ່ງກ່າວນີ້ ແມ່ນເປັນ
ຄວາມຜິດປົກກະຕິໃນລະຫວ່າງຢູ່ໃນຄັນ ເຊິ່ງທຳອິດນັ້ນເດັກນ້ອຍຈະເກີດມາເປັນເດັກຝາແຝດ ແຕ່ກັບມີການຢຸດ
ການພັດທະນາການກາງຄັນ ແລະ ບໍ່ສາມາດຈະແຍກຕົວອອກມາເປັນ 2 ຄົນໄດ້ ຈິ່ງເຮັດໃຫ້ກຳເນີດອອກມາເປັນ
ເດັກພິການຢ່າງຮຸນແຮງດັ່ງກ່າວ.