ແຟນບານ ແບນຊິກ (Belgium) ກໍ່ເຫດປະທ້ວງຕາມຖະໜົນໃນກຸງບຣັສເຊວ ຈົນຕຳຫຼວດຕ້ອງໃຊ້ແກັສນ້ຳຕາ ເພື່ອສະຫຼາຍການຊຸມນຸມດັ່ງກ່າວ ພາຍຫຼັງການແຂ່ງຂັນບານໂລກລະຫວ່າງ ທີມຊາດ Morocco ໄດ້ເອົາຊະນະ Belgium.
ສຳນັກຂ່າວ Aljazeela ໄດ້ລາຍງານວ່າ: ໃນວັນທີ 27 ພະຈິກ 2022 ເກີດເຫດແຟນບານປະມານ 10 ຄົນອອກມາປະທ້ວງໃນກຸງບຣັສເຊວ ພາຍຫຼັງທີ່ບໍ່ພໍໃຈທີ່ທີມຊາດ Belgium ເສຍໃຫ້ກັບ Morocco ໃນການແຂ່ງຂັນບານໂລກ ໃນຮອບແບ່ງກຸ່ມ F ເຊິ່ງເສຍໄປ 2 ຕໍ່ 0.
ໃນການປະທ້ວງດັ່ງກ່າວ ແຟນບານໄດ້ອອກມາທຸບທຳລາຍ ຈູດໄຟເຜົາລົດຄັນໜຶ່ງ ແລະ ຍັງຈູດບັ້ງໄຟດອກຈົນເກີດສຽງດັງ ເຮັດໃຫ້ຕຳຫຼວດລະດົມເອົາກຳລັງມາ 100 ກວ່າຄົນ ມາຮັບມືກັບການປະທ້ວງນີ້ ພ້ອມກັບເລັ່ງການດັບໄຟ ແລະ ໃຊ້ແກັສນ້ຳຕາເພື່ອສະຫຼາຍການຊຸມນຸມ.
ຈາກການເປີດເຜີຍຂອງຜູ້ສື່ຂ່າວມີລາຍງານວ່າ ມີຄົນໄດ້ຮັບບາດເຈັບ 1 ຄົນຈາກເຫດການນີ້ ໂດຍຕຳຫຼວດລະບຸວ່າ ມີຄຳສັ່ງໃຫ້ປິດບໍລິການລົດໄຟໃຕ້ດິນບາງສະຖານີ ແລະ ປິດຫົນທາງບາງເສັ້ນເພື່ອຈຳກັດວົງການປະທ້ວງ.
ຂະນະນີ້ ຍັງບໍ່ມີການເປີດເຜີຍວ່າ ໄດ້ຈັບຜູ້ປະທ້ວງໄປຈັກຄົນແລ້ວ.