ໃນວັນທີ 21 ພະຈິກ ທີ່ຜ່ານມາ ພົບປາກົດການຕາເວັນ 3 ດວງທີ່ Hulunbuir ເຊິ່ງເປັນເຂດປົກຄອງຕົນເອງມົງໂກເລຍ ໃນທາງພາກເໜືອຂອງຈີນ ເຊິ່ງເກີດຂຶ້ນປະມານ 5 ຊົ່ວໂມງ.
ປາກົດການນີ້ບໍ່ສາມາດເຫັນໄດ້ງ່າຍໆ ໂດຍປະຊາຊົນໃນທ້ອງຖິ່ນກ່າວວ່າ: ພວກເຂົາຈະເຫັນໃນທຸກໆ 2-3 ປີ.
ປາກົດການນີ້ ເອີ້ນວ່າ “parhelion” ເນື່ອງຈາກສະພາບອາກາດທີ່ໜາວເຢັນໃນລະດູໜາວ ເຮັດໃຫ້ເກັດນ້ຳແຂງໃນເມກ cirrostratus 6.000-7.000 ແມັດໃນຊັ້ນບັນຍາກາດ ມີການຫັກເຫຂອງແສງຂອງຕາເວັນ ຈຶ່ງເປັນປາກົດການຕາມພາບທີ່ເຫັນ.
ແຫຼ່ງຂ່າວຈາກ Global Times