ລັດຖະບານທະຫານມຽນມາປ່ອຍໂຕນັກໂທດຊຸດໃຫຍ່ອີກ 6.000 ຄົນ ໃນນັ້ນມີນັກໂທດທີ່ເປັນຄົນຕ່າງປະເທດ 4 ຄົນ ລວມມມີ ນັກວິຊາການສັນຊາດອົດສະຕຣາລີ ນັກເຮັດສາລະຄະດີຈາກຍີ່ປຸ່ນ ອະດີດເອກອັກຄະລະລະທູດອັງກິດ ແລະ ພົນລະເມືອງອາເມຣິກາ.
ວັນທີ 17 ພະຈິກ 2022 ສະຖານີໂທລະທັດແຫ່ງຊາດຂອງມຽນມາ ໄດ້ລາຍງານວ່າ ທ່ານ ມິນ ອ່ອງ ຫລ່າຍ ຜູ້ບັນຊາການທະຫານສູງສຸດ ນາຍົກລັດຖະມົນຕີມຽນມາ ໄດ້ການອະໄພຍະໂທດໃຫ້ແກ່ນັກໂທດເກືອບ 6.000 ຄົນເນື່ອງໃນໂອກາດວັນໄຊຊະນະແຫ່ງຊາດ.
ບັນດານັກໂທດທີ່ໄດ້ຮັບອິດສະຫຼະພາບໃນເທື່ອນີ້ ມີຄົນຕ່າງປະເທດ 4 ຄົນ ເຊິ່ງຈະຖືກເນລະເທດທັນທີ ໄດ້ແກ່ ທ້າວ ຊອນ ເທີເນວ ນັກວິຊາການສັນຊາດອົດສະຕຣາລີ, ທາ້ວ ໂທຣຸ ຄຸໂບຕະ ນັກເຮັດສາລະຄະດີຈາກຍີ່ປຸ່ນ, ນາງ ວິກກີ່ ໂບແມນ ອະດີດເອກອັກຄະລະລະທູດອັງກິດ ແລະ ພົນລະເມືອງອາເມຣິກາທີ່ຖືກສະຫງວນນາມ.
ທ້າວ ຊອນ ເທີເນວ ນັກວິຊາການສັນຊາດອົດສະຕຣາລີ ອາຍຸ 58 ປີ ເປັນຜູ້ໃຫ້ຄຳປຶກສາດ້ານເສດຖະກິດແກ່ລັດຖະບານຂອງ ອອງຊານ ຊູຈີ ແລະ ລາວໄດ້ຖືກຈັບກຸມ ໃນວັນທີ 1 ກຸມພາ 2021 ພາຍຫຼັງມື້ທີ່ລັດຖະປະຫານບໍ່ເທົ່າໃດມື້ ຖານລະເມີດກົດໝາຍຄົນເຂົ້າເມືອງ ແລະ ເຜີຍແຜ່ຄວາມລັບຂອງລັດ.
ທາ້ວ ໂທຣຸ ຄຸໂບຕະ ນັກເຮັດສາລະຄະດີຈາກຍີ່ປຸ່ນ ຖືກຈັບທີ່ເມືອງຢ່າງກຸ້ງ ວັນທີ 30 ກຸມພາ 2022 ລະຫວ່າງທີ່ໄດ້ຖ່າຍຂະບວນປະທ້ວງຂອງມວນຊົນ ທີ່ຕໍ່ຕ້ານລັດຖະບານ ໄດ້ຖືກຈັບຖານຮ່ວມກິດຈະກຳຜິດກົດໝາຍ ແລະ ລະເມີດກົດໝາຍຄົນເຂົ້າເມືອງ.
ນາງ ວິກກີ່ ໂບແມນ ອະດີດເອກອັກຄະລະລະທູດອັງກິດ ຖືກຈັບພ້ອມສາມີ ໃນເດືອນສິງຫາ 2022 ຖານລະເມີດກົດໝາຍຄົນເຂົ້າເມືອງ.
ແຫຼ່ງຂ່າວຈາກ SBS