ສຳນັກຂ່າວກຳປູເຈຍ The Phnom Penh Post ໄດ້ລາຍງານວ່າ: ທ່ານ ຮຸນ ເຊນ ນາຍົກລັດຖະມົນຕີຂອງກຳປູເຈຍ ໄດ້ເປີດເຜີຍວ່າ ລາວມີຜົນກວດໂຄວິດ-19 ເປັນບວກທີ່ອິນໂດເນເຊຍ ນັ້ນຫຼາຍຄວາມວ່າລາວໄດ້ຕິດໂຄວິດ ເຊິ່ງລາວມີກຳນົດການເຂົ້າຮ່ວມກອງປະຊຸມສຸດຍອດ G20 ໃນຖານະປະທານອາຊຽນ.
ທ່ານ ຮຸນ ເຊນ ລະບຸວ່າ ກ່ອນອອກຈາກກຳປູເຈຍ ລາວກໍໄດ້ກວດໂຄວິດ-19 ຢູ່ຕະຫຼອດ ແລະ ພາຍຫຼັງອອກປະເທດ ລາວກໍໄດ້ກວດຫາເຊື້ອໂຄວິດຢ່າງຮີບດ່ວນ ຜົນປາກົດວ່າເປັນລົບ ແລະ ກໍບໍ່ຮູ້ວ່າຕິດເຊື້ອຕອນໃດ ເຊິ່ງຕອນນີ້ກໍບໍ່ມີອາການຜິດປົກກະຕິ.
ໃນວັນທີ 14 ພະຈິກນີ້ ທ່ານ ຮຸນ ເຊນ ໄດ້ມີນັດພົບປະກັບ ທ່ານ ເອັມມານູເອລ ມາຄຣົງ ປະທານາທິບໍດີຝຣັ່ງ ເຊິ່ງເປັນກິດຈະກຳໃນການປະຊຸມສຸດຍອດ G20 ແຕ່ ທ່ານ ຮຸນ ເຊນ ກໍບໍ່ສາມາດເຂົ້າຮ່ວມໄດ້.
ທັ້ງນີ້ ເພື່ອຄວາມປອດໄພສຳລັບຜູ້ອື່ນ ທ່ານ ຮຸນເຊນ ພ້ອມຄະນະຜູ້ແທນ ໄດ້ຕັດສິນໃຈເດີນທາງກັບກຳປູເຈຍ ແລະ ມອບຕຳແໜ່ງປະທານອາຊຽນໃຫ້ອິນໂດເນເຊຍ ສຳລັບກອງປະຊຸມສຸດຍອດ ເພາະອິນໂດເນເຊຍເປັນປະທານອາຊຽນຄົນຕໍ່ໄປ.
ນອກຈາກນີ້ ໃນວັນທີ 18 ພະຈິກ ຜູ້ນຳກຳປູເຈຍຈະເຂົ້າຮ່ວມຢ່າງບໍ່ເປັນທາງການໃນຜູ້ນຳອາຊຽນ-ອາຊີປາຊີຝິກ (APEC) ຄັ້ງທີ 29 ທີ່ປະເທດໄທ ແຕ່ຂະນະນີ້ ທ່ານຮຸນ ເຊນ ກໍໄດ້ຍົກເລີກແລ້ວ ໂດຍລາວໄດ້ກ່າວວ່າ ຍັງຈະເຮັດວຽກຕໍ່ໄປ ໂດຍການປະຊຸມແບບໂຕຕໍ່ໂຕໄດ້ຍົກເລີກ.