ເຫດລະເບີດທີ່ເມືອງອິສຕັນບູ ເສຍຊີວິດ 6 ຄົນ

0
604

ເກີດເຫດລະເບີດທີ່ເມືອງອິສຕັນບູ ເປັນເຫດໃຫ້ມີຄົນເສຍຊີວິດ 6 ຄົນ ແລະ ບາດເຈັບຫຼາຍກວ່າ 81 ຄົນ.

ວັນທີ 13 ພະຈິກ 2022 ເກີດເຫດລະເບີດທີ່ເມືອງອິສຕັນບູ ປະເທດຕວກກີ ພາຍຫຼັງເກີດເຫດລະເບີດບໍລິເວນຖະໜົນ ອິດສະຫຼະພາບ (Istiklal Avenue) ຖະໜົນຄົນເດີນ ເຊິ່ງເປັນແຫຼ່ງທີ່ຜູ້ຄົນມັກມາທ່ອງທ່ຽວ ແລະ ຊື້ເຄື່ອງ ທີ່ສຳຄັນຂອງຕວກກີ ການລະເບີດໃນຄັ້ງນີ້ມີຄົນເສຍຊີວິດ 6 ຄົນ ແລະ ບາດເຈັບຢ່າງໜ້ອຍ 81 ຄົນ.

ເຈົ້າເມືອງຂອງອິສຕັນບູ ໄດ້ລະບຸວ່າ ເຫດເກີດປະມານ 16:20 ໂມງ ຂອງວັນອາທິດ ທີ 13 ພະຈິກ ຕາມເວລາທ້ອງຖິ່ນ.

ທ່ານ ຟູອັດ ອັອກທາຍ ຮອງປະທານາທິບໍດີ ອອກມາຖະແຫຼງວ່າ ເຫດການນີ້ຄາດວ່າເປັນການກໍ່ການຮ້າຍ ເຊິ່ງຄິດວ່າຜູ້ຍິງຄົນໜຶ່ງໄດ້ຜູ້ຈູດສະນວນລະເບີດ ເຖິງໃຜກໍຕາມທີ່ເບື້ອງຫຼັງເຫດການນີ້ ເຈົ້າໜ້າທີ່ຈະຕາມນຳຈັບໂຕໃຫ້ເຖິງທີ່ສຸດ.

ລັດຖະມົນຕີກະຊວງຍຸດຕິທຳຕວກກີ ບອກວ່າ ມີພາບກ້ອງວົງຈອນປິດທີ່ສະແດງໃຫ້ເຫັນເຖິງ ຜູ້ຍິງຄົນໜຶ່ງໄດ້ມານັ່ງຢູ່ບໍລິເວນນັ້ນປະມານ 40 ນາທີ ແລ້ວລຸກໜີໂດຍຖິ້ມກະເປົາ ແລະ ຖົງປລາສະຕິກໄວ້ ຫຼັງຈາກນັ້ນບໍ່ເທົ່າໃດນາທີກໍ່ເກີດເຫດລະເບີດ.

ແຫຼ່ງຂ່າວຈາກ ABC Australia News