ນາງ ມາເຣຍ ໂຮເຊ ອັນວາຣາໂດ ມູໂນດ ນາງງາມຮອນດູຣັສ ປີ 2014 ຖືກລັກພາຕົວ ກ່ອນເດີນທາງໄປເກັບຕົວ
ເຂົ້ົາປະກວດມິສເວີນດ໌ທີ່ລອນດອນ ພຽງບໍ່ພໍເທົ່າໃດມື້.
ສຳນັກຂ່າວຕ່າງປະເທດ ລາຍງານໃນວັນທີ 19 ພະຈິກນີ້ວ່າ ນາງ ມາເຣຍ ໂຮເຊ ອັນວາຣາໂດ ມູໂນດ ນາງງາມເຈົ້າ
ຂອງຕຳແໜ່ງມິສເວີນດ໌ ຮອນດູຣັສ ປະຈຳປີ 2014 ໄດ້ຖືກລັກພາຕົວຢ່າງໄຮ້ຮ່ອງຮອຍ ພ້ອມດ້ວຍເອື້ອຍຄີງຂອງ
ນາງ ກ່ອນບໍ່ພໍເທົ່າໃດວັນທີ່ຈະເດີນທາງໄປປະກວດມິສເວີນດ໌ 2014 ທີ່ນະຄອນຫລວງລອນດອນ ປະເທດອັງກິດ.
ນາງ ມາເຣຍ ອາຍຸ 19 ປີ ແລະ ເອື້ອຍຂອງນາງ ໂຊເຟຍ ທຣິນິແດດ ໄດ້ຫາຍຕົວໄປຕັ້ງແຕ່ວັນທີ 13 ພະຈິກທີ່ຜ່ານ
ມາ ຫລັງຈາກທີ່ທັງສອງຄົນໄດ້ໄປຮ່ວມງານສັງສັນວັນເກີດແຟນໜຸ່ມຂອງໂຊເຟຍ ອັນໄດ້ສ້າງຄວາມກັງວົນໃຫ້
ກັບພໍ່ແມ່ຂອງພວກເຂົາທັງສອງ ກ່ອນທີ່ຈະຕັດສິນໃຈເຂົ້າແຈ້ງຕໍ່ເຈົ້າໜ້າທີ່ຕຳຫລວດ ແລະ ໂດຍຜ່ານການສືບ
ສວນຂອງເຈົ້າໜ້າທີ່ຕຳຫລວດ ກໍໄດ້ສັນນິຖານວ່າ ພວກກ່ຽວທັງສອງໄດ້ຖືກລັກພາຕົວໄປ.
ລາຍງານຍັງໄດ້ລະບຸວ່າ ນາງ ມາເຣຍ ຈະມີກຳນົດເດີນທາງໄປນະຄອນຫລວງລອນດອນ ໃນວັນທີ 19 ພະຈິກ ເພື່ອ
ເກັບຕົວເຂົ້າປະກວດມິສເວີນດ໌ 2014 ເຊິ່ງຈະມີຂຶ້ນໃນວັນທີ 14 ທັນວາ 2014 ນີ້, ແຕ່ຈົນຮອດປັດຈຸບັນ ຕຳຫລວດ
ຍັງບໍ່ສາມາດຊອກຮູ້ເບາະແສການຫາຍຕົວໄປຂອງທັງສອງຄົນ, ຢ່າງໃດກໍຕາມ ທາງເຈົ້າໜ້າທີ່ຮອນດູຣັສ ໄດ້ກັກ
ຕົວຜູ້ຕ້ອງສົງໄສແລ້ວ 4 ຄົນ.
