ສຳນັກຂ່າວ ຣອຍເຕີ ລາຍງານວ່າ: ວັນທີ 4 ພະຈິກ ທີ່ຜ່ານມາ ໃນກຸງນິວເດລີ ປະເທດອິນເດຍ ປະກາດໃຫ້ປິດໂຮງຮຽນປະຖົມສຶກສາທຸກແຫ່ງໃນເມືອງຫຼວງ ແບບບໍ່ມີກຳນົດ ຕັ້ງແຕ່ວັນເສົາ ທີ 5 ພະຈິກ ເປັນຕົ້ນໄປ ແລະ ກຽມອອກມາດຕະການຄວບຄຸມສັນຈອນຂອງຍານພະຫະນະຕາມຫົນທາງ.

ທັ້ງນີ້ ດັດຊະນີຄຸນນະພາບທາງອາກາດ ຂອງກຸງນິວເດລີ ຢູ່ລະດັບ 450 ໃນຫຼາຍເຂດ ຕັ້ງແຕ່ວັນພະຫັດທີ 3 ພະຈິກ ເຊິ່ງເປັນລະດັບທີ່ອັນຕະລາຍ.

ປັດຈຸບັນ ມີການຕິດຕັ້ງ ຫໍຄອຍພັດລົມຂະໜາດໃຫຍ່ ໃນກຸງນິວເດລີ ເຊິ່ງມີພັດລົມ 40 ເຄື່ອງ ທີ່ສາມາດປ່ອຍອາກາດບໍລິສຸດໄດ້ 1,000 ແມັດກ້ອນຕໍ່ວິນາທີ ແຕ່ລັດສະໝີຂອງພັດລົມໄດ້ກວມເອົາແຕ່ 1 ກິໂລແມັດເທົ່ານັ້ນ.