ລະທຶກ!! ເກີດເຫດ​ລົດ​ໄຟ​ໂດຍສານໃນກຸງໂຊລຂອງ​ເກົາຫຼີ​ໃຕ້​ໄດ້​ຕົກ​ລາງ, ​ເຮັດ​ໃຫ້​ມີ​ຜູ້​ໂດຍສານ​ເກືອບ 300 ​ຄົນ ໄດ້ຄົນ​ບາດ​ເຈັບ 30 ຄົນ ເຈົ້າໜ້າທີ່ເລັ່ງສືບສວນ.

ໃນວັນທີ 6 ພະຈິກ 2022 ຜ່ານມາ, ເວັບໄຊ້ຂ່າວ the Korea TRimes, Yonhap ລາຍງານວ່າ: ລົດໄຟມູກຸງຣວາ ເຊິ່ງດຳເນີນການໂດຍ Korail (Korea Railroad Corp) ຜູ້ໃຫ້ບໍລິການລົດໄຟຫຼັກຂອງເກົາຫຼີໃຕ້ ໄດ້ເກີດອຸບັດຕິເຫດຕົກລາງ ເມື່ອເວລາ 8:52 ໂມງ ຕາມເວລາທ້ອງຖິ່ນ ຈຶ່ງເຮັດຜູ້ໂດຍສານບາເຈັບ 30 ຄົນ.

ຕາມ​ການລາຍງານລະບຸວ່າ: ລົດໄຟຂະບວນດດັ່ງກ່າວມີທັງໝົດ 6 ຕູ້ ແລະ ເປັນຕູ້ໂດຍສານ 5 ຕູ້ ມີຜູ້ໂດຍສານ 275 ຄົນ, ໂດຍລົດໄຟໄດ້ອອກຈາກ Yongsan ໃນກຸງໂຊລ ເວລາ 8:15 ໂມງ ມຸ່ງໜ້າສູ່ Iksan ໃນ​ແຂວງ Jeolla ເຫນືອ​ທາງຕາເວັນຕົກສຽງໃຕ້ຂອງເກົາຫຼີໃຕ້ ເຊິ່ງຫ່າງຈາກນະຄອນຫຼວງປະມານ 180 ກິໂລແມັດ.

ເຫດການດັ່ງກ່າວແມ່ນເກີດຂຶ້ນໃນຂະນະທີ່ຂະບວນລົດໄຟກຳລັງເຄື່ອນຍ້າຍໄປສະຖານີ Yeongdeungpo ແຕ່ເກີດອຸບັດຕິເຫດ ຕົກລາງ ຈຶ່ງເຮັດໃຫ້ ການບໍລິການລົດໄຟໃນເສັ້ນທາງດັ່ງກ່າວເລື່ອນໃຫ້ຊ້າກວ່າ 1 ຊົ່ວໂມງ ສຳລັບເຫດການໃນຄັ້ງນີ້ເຈົ້າໜ້າທີ່ ແລະ ໜ່ວຍງານທີ່ກ່ຽວຂ້ອງຢູ່ລະຫວ່າງການດຳເນີນສືບສວນ.

ທີ່ມາ: the Korea TRimes, Yonhap