ກຳປູເຈຍ ຈັດງານເທດສະການເຂົ້າ ຄັ້ງທີ 2 ໃນວັນທີ 18 ພະຈິກຜ່ານມາ ຕັ້ງເປົ້າສົ່ງເສີມການສົ່ງອອກເຂົ້າ 1 ລ້ານ
ໂຕນ ໃນປີ 2015.
ສຳນັກຂ່າວຕ່າງປະເທດລາຍງານ ໃນວັນທີ 19 ພະຈິກນີ້ວ່າ ກຳປູເຈຍໄດ້ນຳເອົາເຂົ້າຫລາກຫລາຍສາຍພັນ ມາຈັດ
ສະແດງໃນເທດສະການດັ່ງກ່າວນີ້ ເຊິ່ງຈະຈັດຂຶ້ນເປັນເວລາ 3 ມື້ (18 – 20 ພະຈິກ) ລວມທັງມີການປະກວດເຂົ້າທີ່
ດີທີ່ສຸດ ແລະ ການຊີມອາຫານຈາກເມນູເຂົ້າຂອງກຳປູເຈຍ ແລະ ພ້ອມນັ້ນກໍຈະມີກອງປະຊຸມເຂົ້າໂລກ ເຊິ່ງຈະໄດ້
ໄຂຂຶ້ນໃນມື້ວັນທີ 19 ພະຈິກນີ້ອີກດ້ວຍ.
ທ່ານ ໂສກ ພຸດທີວຸດ ປະທານສະມາຄົມເຂົ້າກຳປູເຈຍ ໄດ້ກ່າວໃນພິທີເປີດງານ ພ້ອມທັງລະບຸອີກວ່າ ລັດຖະບານ
ກຳປູເຈຍ ກຳລັງມຸ່ງໝັ້ນທີ່ຈະສົ່ງອອກເຂົ້າສານ ໃນຈຳນວນ 1 ລ້ານໂຕນ ພາຍໃນປີ 2015 ໂດຍເຂົ້າຫອມຂອງກຳ
ປູເຈຍ ເປັນເຂົ້າທີ່ໄດ້ຮັບຄວາມນິຍົມຈາກລົດຊາດທີ່ແຊບ ເຊິ່ງຖືກຮັບຮອງດ້ວຍລາງວັນເຂົ້າທີ່ດີທີ່ສຸດຂອງໂລກ
2 ປີຕິດຕໍ່ກັນ ຈາກການປະກວດເຂົ້າໃນອິນໂດເນເຊຍ ເມື່ອປີ 2012 ແລະ ທີ່ຮົງກົງໃນປີ 2013.
ເນື່ອງຈາກປະຊາກອນຂອງກຳປູເຈຍ ກ່ວາ 80% ມີອາຊີບເປັນຊາວກະສິກອນ ກຳປູເຈຍຈິ່ງສາມາດຜະລິດເຂົ້າ
ເປືອກໄດ້ 9.4 ລ້ານໂຕນ ໃນປີ 2013 ແລະ ຈາກຈຳນວນດັ່ງກ່າວນັ້ນ ໄດ້ເຫລືອເປັນເຂົ້າສານສຳລັບສົ່ງອອກໃນປີ
ນີ້ກ່ວາ 3 ລ້ານໂຕນ.