ເຈົ້າສາວຊາວຊາອຸ ຖືກຖິ້ມກາງງານດອງ ຫລັງເຈົ້າບ່າວຕົກຕະລຶງ ເມື່ອເຫັນໃບໜ້າຫລັງຜ້າຄຸມເປັນຄັ້ງທຳອິດ ພ້ອມ
ຂໍຢ່າຮ້າງທັນທີ ເຜີຍຜິດຫວັງບໍ່ເປັນດັ່ງທີ່ຄິດ.
ສຳນັກຂ່າວຕ່າງປະເທດລາຍງານ ໃນວັນທີ 18 ພະຈິກຜ່ານມານີ້ວ່າ ເຈົ້າສາວຊາວຊາອຸດີອາຣະເບຍ ເສຍໜ້າກາງງານ
ດອງ ໃນນະຄອນເມດິນະ ກາຍເປັນແມ່ຮ້າງແບບບໍ່ທັນຕັ້ງໂຕ ເມື່ອນາງ ແລະ ເຈົ້າບ່າວໄດ້ເຂົ້າພິທີແຕ່ງດອງກັນແບບ
ລະດັບງານຊ້າງ ໂດຍບໍ່ເຄີຍເຫັນໃບໜ້າໃບຕາຂອງກັນມາກ່ອນ ຫລັງຈາກທີ່ຍ່າງຄວງແຂນກັນເຂົ້າພິທີ ເຈົ້າບ່າວກໍໄດ້
ປົດຜ້າຄຸມໜ້າຂອງເຈົ້າສາວອອກ ເພື່ອເບິ່ງພັນລະຍາຂອງຕົນເອງເປັນຄັ້ງທຳອິດ, ແຕ່ທັນໃດນັ້ນ ເຈົ້າບ່າວກໍໄດ້ອອກ
ປາກວ່າ ບໍ່ເປັນດັ່ງທີ່ເຂົາຄິດ ພ້ອມບອກຂໍຢ່າຮ້າງໃນທັນທີ ເຮັດໃຫ້ເຈົ້າສາວເຖິງກັບເປັນລົມກາງງານ ແລະ ເມື່ອຮູ້ສຶກ
ຕົວຂຶ້ນມາກໍໄດ້ແຕ່ຮ້ອງໄຫ້ຢ່າງເສຍສະຕິ.
ຫລັງຈາກເຫດການດັ່ງກ່າວຖືກເຜີຍແຜ່ອອກໄປ ກໍໄດ້ມີສຽງວິພາກວິຈານການກະທຳຂອງເຈົ້າບ່າວວ່າ ໄດ້ທຳລາຍຊີ
ວິດຜູ້ຍິງຄົນໜຶ່ງລົງຢ່າງໂຫດຮ້າຍ, ແຕ່ຢ່າງໃດກໍຕາມ ການແຕ່ງງານແບບບໍ່ເຄີຍເຫັນໜ້າກັນມາກ່ອນນີ້ ໄດ້ເກີດຂຶ້ນ
ຢູ່ເລື້ອຍໆໃນປະເທດແຖບຕາເວັນອອກກາງ ເຊິ່ງເຈົ້າບ່າວ ແລະ ເຈົ້າສາວມັກຈະຖືກນຳມາແຕ່ງດອງກັນ ຕາມຄວາມ
ເໝາະສົມຂອງຄອບຄົວ ໂດຍທີ່ພວກເຂົາບໍ່ເຄີຍຮູ້ຈັກກັນມາກ່ອນ.