ນັກທ່ອງທ່ຽວ ໄດ້ຖືກກັກໂຕພາຍໃນ ດິສນີແລນ ທີ່ເປັນຜົນມາຈາກມາດຕະການ “ໂຄວິດເປັນສູນ” ຂອງຈີນ ເຊິ່ງຄົນທີ່ຢູ່ພາຍໃນນັ້ນຈະຖືກປ່ອຍກໍຕໍ່ເມື່ອຜົນກວດໂຄວິດຕິດລົບ.
ວັນທີ 31 ຕຸລາ 2022 ທີ່ ສວນສະໜຸກ ຊຽງໄຮ້ ດິສນີແລນ ໄດ້ຖືກສັ່ງປິດຢ່າງກະທັນຫັນໃນເວລາ 11.39 ໂມງ ຕາມເວລາທ້ອງຖິ່ນ ເພື່ອໃຫ້ເປັນໄປຕາມມາດຕະການຄວບຄຸມການລະບາດຂອງໂຄວິດ-19 ແລະ ຍັງບໍ່ມີແຈ້ງການໃຫ້ເປີດ.
ຜົນຈາກຄຳສັ່ງດັ່ງກ່າວ ເຮັດໃຫ້ມີຄົນຈຳນວນຫຼາຍທີ່ຢູ່ພາຍໃນ ໄດ້ພະຍາຍາມໜີອອກມາ ແຕ່ປະຕູກໍ່ຖືກລັອກໄວ້ຮຽບຮ້ອຍ.
ເຫດການໃນເທື່ອນີ້ເກີດຂຶ້ນຍ້ອນ ຊຽງໄຮ້ມີການລາຍງານຜູ້ຕິດເຊື້ອໂຄວິດ-19 ຈຳນວນ 10 ກໍລະນີ ໃນວັນທີ 29 ຕຸລາ ແລະ ຜູ້ທີ່ເດີນທາງເຂົ້າມາຕັ້ງແຕ່ວັນທີ 27 ຕຸລາ ກໍຖືກສັ່ງໃຫ້ກວດໂຄວິດ.
ແຫຼ່ງຂ່າວຈາກ The Guardian