ງານມະຫະກຳໜັງສື ແຟຣງເຟຣິດ (Frankfurt Book Fair) ຄັ້ງທີ 74 ເຊິ່ງເປັນງານມະຫະກຳໜັງສືທີ່ໃຫຍ່ທີ່ສຸດໃນໂລກ ໂດຍຈັດຂຶ້ນທີ່ເຢຍລະມັນ ໃນວັນອາທິດທີ່ຜ່ານມານີ້.
ວັນທີ 24 ຕຸລາ 2022 ສຳນັກຂ່າວ ຊິນຫົວ ໄດ້ລາຍງານວ່າ: ເຍີເກນ ບູສ ແລະ ຊີອີໂອ ຂອງງານມະຫະກຳ ໄດ້ເປີດເຜີຍວ່າມະຫະກຳປີນີ້ ດຶງດູດຜູ້ເຂົ້າຊົມງານສູງເກີນຂາດໝາຍ ປະມານ 90.000 ຄົນ ຈາກ 100 ປະເທດ ແລະ ພູມິພາກ ພ້ອມຄາດຫວັງຄວາມກ້າວໜ້າຫຼາຍຂຶ້ນໃນປີໜ້າ ດ້ວຍພູມິທັດທາງວັນນະກຳທີ່ຫຼາກຫຼາຍ.
ມະຫະກຳດັ່ງກ່າວ ເຊິ່ງຈັດຂຶ້ນລະຫວ່າງ ວັນທີ 18-23 ຕຸລາ ຍັງດຶງດູດຜູ້ຈັດສະແດງຫຼາຍກວ່າ 4.000 ຄົນ ຈາກ 95 ປະເທດ ແລະ ພູມິພາກ.
ຄະນະຜູ້ຈັດສະແດງຈາກປະເທດຈີນ ໄດ້ຮ່ວມສະແດງສິ່ງພິມຕ່າງໆ ຫຼາຍກວ່າ 1.000 ປະເພດ ໃນນັ້ນມີດ້ານການເມືອງ ເສດຖະກິດ ວັນນະກຳ ປະຫວັດສາດ ເຕັກໂນໂລຊີ ແລະ ການຮຽນຮູ້ພາສາຈີນ ສຳລັບຜູ້ໃຫຍ່ ແລະ ເດັກນ້ອຍ.
ໃນປີໜ້າງານນີ້ກໍຈັດຈັດຂຶ້ນອີກໃນວັນທີ 18-22 ຕຸລາ 2023.