ວັນທີ 15 ພະຈິກ 2014 ຜ່ານມາ ທ່ານ ດຣ. ສິນລະວົງ ຄຸດໄພທູນ ເຈົ້າຄອງນະຄອນຫຼວງວຽງຈັນ ທ່ານ ຈັນທະລາ
ອິນທະລັງສີ ເຈົ້າເມືອງໄຊທານີ ພ້ອມດ້ວຍຄະນະ ລົງຢ້ຽມຢາມ ບໍລິສັດ ຊິໂນໄຮໂດຣມາຍນິງລາວ ຈຳກັດ ຕັ້ງຢູ່
ເຂດບ້ານຫ້ວຍເຕີຍ ເມືອງໄຊທານີ ນະຄອນຫຼວງວຽງຈັນ ໃນເນື້ອທີ່ຂອງໂຮງງານ 35 ເຮັກຕາ ເນື້ອທີ່ຂຸດຄົ້ນ
3.986 ເຮັກຕາ.
ໃນໂອກາດດັ່ງກ່າວ ທ່ານເຈົ້າຄອງນະຄອນຫຼວງ ໄດ້ຮັບຟັງການລາຍງານສະພາບການຈັດຕັ້ງປະຕິບັດວຽກງານ
ຈາກທ່ານຮອງອຳນວຍການ ບໍລິສັດ ຊິໂນໄຮໂດຣມາຍນິງລາວ ຈຳກັດ ເຊິ່ງເຫັນວ່າບໍລິສັດດັ່ງກ່າວ ໄດ້ເລີ່ມການ
ຜະລິດແຕ່ປີ 2006 ເປັນຕົ້ນມາ ໃນການດຳເນີນກິດຈະການຜະລິດເກືອກາລີ ແລະ ເກືອທຳມະດາ ເພື່ອສົ່ງອອກ
ໄປຍັງປະເທດຫວຽດນາມ ໄທ ແລະ ປະເທດສິງກາໂປ ສາມາດຜະລິດໄດ້ 120.000 ໂຕນຕໍ່ປີ ໄປພ້ອມກັນນັ້ນ ທາງ
ບໍລິສັດຍັງຈະໄດ້ມີການປັບປຸງ ແລະ ຂະຫຍາຍການຜະລິດ ເພື່ອໃຫ້ບັນລຸເປົ້າໝາຍການຜະລິດ ແລະ ໂອກາດດັ່ງ
ກ່າວນີ້ ທາງບໍລິສັດຍັງໄດ້ສະເໜີເລື່ອງອາກອນ ແລະ ບັນຫາລາຄາທີ່ດິນເຊົ່າຂອງປະຊາຊົນສູງເກີນໄປ ເຮັດໃຫ້
ກະທົບຕໍ່ກິດຈະການ.
ຈາກນັ້ນ ທ່ານເຈົ້າຄອງນະຄອນຫຼວງ ກໍ່ໄດ້ສະແດງຄວາມຊົມເຊີຍມາຍັງບໍລິສັດ ທີ່ໄດ້ເອົາໃຈໃສ່ໃນການຜະລິດ
ເກືອກາລີ ເພື່ອສົ່ງອອກ ແລະ ເຮັດໃຫ້ກິດຈະການສາມາດດຳເນີນມາຮອດປັດຈຸບັນ ທີ່ມີຄວາມຄືບໜ້າໄປໄດ້ດີ
ສ່ວນການສະເໜີນັ້ນ ແມ່ນໃຫ້ບໍລິສັດເຮັດໜັງສືຄັກແນ່ສະເໜີຂຶ້ນໄປ ເພື່ອຈະໄດ້ມີການປຶກສາຫາລືກັນ ຊອກ
ຫາວິທີການແກ້ໄຂ ແລະ ຕ້ອງໄດ້ລວມຕົວກັນຜະລິດເປັນກຸ່ມ ແລ້ວປຸງແຕ່ງເປັນຜະລິດຕະພັນສົ່ງອອກ.
ແຫລ່ງຂ່າວ: ວຽງຈັນໃໝ່