ອິນໂດເນເຊຍ ກຽມທຳລາຍເດີ່ນເຕະບານ ທີ່ເກີດເຫດສະຫຼົດຄັ້ງໃຫຍ່ທີ່ສຸດໃນວົງການບານເຕະຂອງອິນໂດເນເຊຍ ຫຼັງຈາກແຟນບານອາລະວາດຕີກັນຈົນນຳໄປສູ່ການຢຽບກັນເສຍຊີວິດ ທີ່ເຮັດໃຫ້ມີຄົນເສຍຊີວິດເກືອບ 130 ຄົນ ໃນວັນທີ 1 ຕຸລາ ທີ່ຜ່ານມາ.
ວັນທີ 18 ຕຸລາ 2022 ສຳນັກຂ່າວ ຣອຍເຕີ ໄດ້ລາຍງານວ່າ: ທ່ານ ໂຈໂກ ວິໂດໂດ ຂອງອິນໂດເນເຊຍ ໄດ້ໃຫ້ສຳພາດຫຼັງການປະຊຸມກັບປະທານບານເຕະນານາຊາດ ໂດຍທັງສອງໄດ້ຈັດທີມຊຸດໃຫຍ່ ເພື່ອແກ້ໄຂບັນຫາຕ່າງໆ ທີ່ອິນໂດເນເຊຍກຽມເປັນເຈົ້າພາບການແຂ່ງຂັນງານກິລາເຕະບານໂລກ ຮຸ່ນອາຍຸບໍ່ເກີນ 20 ປີ ໃນປີ 2023 ໂດຍຜູ້ນຳຂອງອິນໂດເນເຊຍເຫັນດີວ່າ ວິທີການບໍລິຫານກິລາ ຕ້ອງໄດ້ຮັບການປ່ຽນແປງຄັ້ງໃຫຍ່.
ທ່ານ ໂຈໂກ ວິໂດໂດ ກ່່າວວ່າ ສະໜາມກິລາ ກັນຈູຣູຮັນ ຈະຖືກທຳລາຍ ແລະ ສ້າງໃໝ່ຕາມມາດຕະຖານຂອງຟີຟ່າ ພ້ອມເຫັນດີກັບການປ່ຽນແປງຫຼັກການບານເຕະໃນອິນໂດເນເຊຍ ເພື່ອກຽມຄວາມພ້ອມໃຫ້ກົງກັບມາດຕະຖານຂອງຟີຟ່າ.