ວັນທີ 17 ຕຸລາ 2022 ທາງຕົ້ນສັງກັດຂອງວົງ BTS ໄດ້ອອກມາແຈ້ງເຖິງການເຂົ້າກົມທະຫານຮັບໃຊ້ຊາດຂອງ “ຈິນ” ສະມາຊິກທີ່ເປັນອ້າຍສຸດໃນວົງ.
HYBE ຕົ້ນສັງກັດຂອງວົງ BTS ຈະເລີ່ມເກນທະຫານຕາມລະບຽບກົດໝາຍ ໂດຍຈະເລີ່ມຈາກ ຈິນ (JIN) ອາຍຸ 29 ປີ ເຊິ່ງເປັນສະມາຊິກທີ່ມີອາຍຸຫຼາຍສຸດໃນວົງ ຈະໄດ້ເຂົ້າກົມທະຫານເປັນຄົນທຳອິດຂອງວົງ.
ທີ່ຜ່ານມາ ວົງ BTS ໄດ້ຮັບການຜ່ອນຜັນເກນທະຫານ ຈາກກົດໝາຍທີ່ອະນຸຍາດໃຫ້ສິລະປິນທີ່ຜ່ານການຮັບຮອງຈາກລັດຖະມົນຕີກະຊວງວັດທະນະທຳ ກິລາ ແລະ ການທ່ອງທ່ຽວ ສາມາດຜ່ອນຜັນການເກນທະຫານໄດ້.
ນັບຕັ້ງແຕ່ວົງ BTS ໄດ້ເດບິ້ວອອກມາໃນປີ 2013 ກໍໄດ້ກາຍເປັນທີ່ນິຍົມໄປທົ່ວໂລກດ້ວຍເພງທີ່ມ່ວນ ແລະ ມີແຄມເປນຕໍ່ສັງຄົມ ຈຶ່ງເຮັດໃຫ້ມີຜູ້ຄົນຈຳນວນຫຼາຍໃນທົ່ວໂລກມັກ-ຮັກໃນວົງນີ້.
ໂດຍທາງຕົ້ນສັງກັດໄດ້ກ່າວວ່າ ຈິນຈະຍົກເລີກການຜ່ອນຜັນເກນທະຫານໃນຊ່ວງທ້າຍເດືອນຕຸລາ 2022 ແລະ ຈະປະຕິບັດຕາມຂັ້ນຕອນທີ່ກ່ຽວຂ້ອງ ສ່ວນສະມາຊິກຄົນອື່ນກໍຈະໄດ້ຮັບການເກນທະຫານຕາມແຜນຂອງແຕ່ລະຄົນເຊັ່ນກັນ.
ເຊິ່ງ Bighit Music ທີ່ເປັນເຈົ້າຂອງ HYBE ຖະແຫຼງການວ່າ ທັ້ງບໍລິສັດ ແລະ ສະມາຊິກວົງ BTS ຈະຖ້າການກັບມາຮວມໂຕກັນອີກຄັ້ງໃນປິ 2025 ພາຍຫຼັງທີ່ພວກເຂົາໄດ້ຮັບໃຊ້ຊາດຮຽບຮ້ອຍ.
ຕາມກົດໝາຍໃນເກົາຫຼີ ຜູ້ຊາຍທີ່ມີອາຍຸລະຫວ່າງ 18-28 ປີ ຕ້ອງໄດ້ຮັບລາດຊະການທະຫານເປັນເວລາ 18-21 ເດືອນ ເຊິ່ງເປັນສ່ວນໜຶ່ງຂອງຄວາມພະຍາຍາມໃນການປ້ອງກັນເຂດແດນຈາກເກົາຫຼີເໜືອ.