ເກີດເຫດບໍ່ຖ່ານຫີນລະເບີດໃນປະເທດຕວັກກີເຮັດໃຫ້ຄົນງານ 40 ຄົນເສຍຊີວິດ, ຄົນງານຫຼາຍສິບຄົນຕິດຢູ່ໃຕ້ດິນ.

ວັນທີ 15 ຕຸລາ 2022 ເກີດເຫດສະຫຼົດໃຈ ບໍ່ຖ່ານຫີນແຫ່ງນຶ່ງໃນເມືອງ ອາມັດສາຍາ (Amasya) ທາງພາກເໜືອ ຂອງຕວັກກີປະສົບ​ກັບ​ການ​ລະ​ເບີດ​ທີ່​ຮຸນ​ແຮງ ​ໃນ​ວັນ​ສຸກ​ທີ 14 ຕຸລາ​ຜ່ານ​ມາ​, ໄດ້​ເຮັດ​ໃຫ້​ຄົນ​ງານ​ບໍ່​ແຮ່ ຢ່າງ​ໜ້ອຍ 40 ຄົນ​ໄດ້​ເສຍ​ຊີວິດ, ​ເຮັດ​ໃຫ້​ມັນ​ເປັນ​ອຸປະຕິ​ເຫດ​ທີ່ເກີດກັບບໍ່ຖ່ານຫີນ​ທີ່​ຮ້າຍ​ແຮງ​ທີ່​ສຸດ​ໃນຮອບ​ຫຼາຍ​ປີ​.

ສຳນັກຂ່າວ BBC ລາຍງານວ່າ: ໃນຂະນະເກີດເຫດບໍ່ຖ່ານຫີນລະເບີດ ມີຄົນງານກຳລັງເຮັດວຽກຢູ່ໃນບໍ່ດັ່ງກ່າວ ປະມານໜຶ່ງຮ້ອຍຄົນ, ໂດຍທ່ານ Fahrettin Koca ັລດຖະມົນຕີກະຊວງ ສາທາລະນະສຸກ ຕວັກກີ ກ່າວເຖິງການຊ່ວຍເຫຼືອຄົນງານເຫຼົ່ານີ້ວ່າ: ທີມກູ້ໄພກຳລັງພະຍາຍາມເລັ່ງຊ່ວຍເຫຼືອຄົນງານ ສາມາດຊ່ວຍຄົນງານອອກຈາກບໍ່ຫີນແຫ່ງນີ້ໄດ້ແລ້ວ 58 ຄົນ ແລະຄົນງານທີ່ໄດ້ຮັບບາດເຈັບໄດ້ຖືກສົ່ງໂຮງໝໍຢ່າງຮີບດ່ວນທີ່ສຸດ.

ແຫຼ່ງຂ່າວ: BBC