spot_img
Homeຂ່າວພາຍ​ໃນເກີດເຫດລະເບີດເທິງຂົວລະຫວ່າງໄຄຣເມຍ-ຣັດເຊຍ

ເກີດເຫດລະເບີດເທິງຂົວລະຫວ່າງໄຄຣເມຍ-ຣັດເຊຍ

Published on

ເກີດເຫດລະເບີດເທິງຂົວ ປະມານ 6:00 ໂມງ ຕາມເວລາທ້ອງຖິ່ນ ຂອງວັນທີ 8 ຕຸລາ 2022.

ໂດຍທາງສຳນັກຂ່າວຈາກຣັດເຊຍ ໄດ້ລາຍງານວ່າ: ເຫດລະເບີດຄັ້ງນີ້ ເກີດຈາກລົດບັນທຸກລະເບີດກ່ອນທີ່ໄຟຈະໄໝ້ລາມໄປຫາຖັງບັນທຸກນ້ຳມັນເທິງລົດໄຟທີ່ແລ່ນຂະໜານກັນ ແລະ ຈາກນັ້ນ ຂົວບາງສ່ວນກໍໄດ້ຖະຫຼົ່ມລົງ.

ແຕ່ໃນເວລາຕໍ່ມາ ສ່ວນໜຶ່ງຂອງຂົວກໍກັບມາເປີດໃຫ້ຍານພະຫະນະກັບມາໃຊ້ຫົນທາງໄດ້ໜ້ອຍໜຶ່ງ ຂະນະທີ່ສ່ວນໜຶ່ງຂອງຂົວຖະຫຼົ່ມລົງທະເລໄປ ຫຼ້າສຸດທາງການຣັດເຊຍໄດ້ລະບຸວ່າ ມີຜູ້ເສຍຊີວິດ 3 ຄົນ ຍ້ອນຢູ່ໃກ້ກັບກົດບັນທຸກທີ່ລະເບີດ.

ຂົວນີ້ຊື່ວ່າ ເຄຣິຊ (Kirch) ຖືກສ້າງຂຶ້ນຈາກຣັດເຊຍເຂົ້າຮວມດິນແດນຂອງໄຄຣເມຍເປັນຂອງຕົນເອງໃນປີ 2014 ດ້ວຍເຫດນີ້ຂົວດັ່ງກ່າວຈຶ່ງເບິ່ງເປັນສັນຍະລັກຂອງການຮວມດິນແດນໃນຄັ້ງນັ້ນ ແລະ ຂົວນີ້ກໍມີຄວາມສຳຄັນ ຍ້ອນວ່າ ເປັນເສັ້ນທາງຄົມມະນາຄົມຂົນສົ່ງແຫ່ງດຽວທີ່ເຊື່ອມລະຫວ່າງ ໄຄຣເມຍ ແລະ ຣັດເຊຍ.

ພາຍຫຼັງເຫດລະເບີດ ທ່ານ ວະລາດິເມຍ ປູຕິນ ຜູ້ນຳຣັດເຊຍ ກໍໄດ້ອອກມາຖະແຫຼງວ່າ “ບໍ່ຕ້ອງສົງໄສເລີຍວ່ານີ້ເປັນການກໍ່ການຮ້າຍ ທີ່ຕັ້ງໃຈທຳລາຍໂຄງສ້າງພື້ນຖານທີ່ສຳຄັນຂອງຣັດເຊຍ”.

ແຕ່ເຖິງຢ່າງໃດກໍຕາມ ກໍບໍ່ມີຫຍັງທີ່ສາມາດຢືນຢັນໄດ້ວ່າໃຜເປັນຜູ້ກໍ່ເຫດໃນຄັ້ງນີ້.

ບົດຄວາມຫຼ້າສຸດ

ຕາດູຕົນ ເຫດໄຟໄໝ້ເຮືອນປະຊາຊົນ ບ້ານປຸ່ງສ້ຽວ ເມືອງສິງ ແຂວງຫຼວງນ້ຳທາ ເສຍຫາຍ 480 ລ້ານກີບ

ເຫດໄຟໄໝ້ເຮືອນປະຊາຊົນ ເສຍຫາຍ 480 ລ້ານ. ຕາມການໃຫ້ຂໍ້ມູນຂອງກອງຕຳຫຼວດຈະລາຈອນ-ມອດໄຟ ປກສ ເມືອງສິງ ແຂວງຫຼວງນ້ຳທາໃຫ້ຮູ້ວ່າ:ໃນຕອນເຊົ້າເວລາ 10 ໂມງ ວັນທີ 12 ພຶດສະພາ 2025 ໄດ້ຮັບແຈ້ງຈາກ...

ຈັບຊາຍຊາວຈີນ ຫຶງໂຫດລົງມືຄາຕະກຳແຟນສາວ ຢູ່ທ່າແຂກ ແຂວງຄຳມ່ວນ

ຈັບຊາຍຊາວຈີນ ຫຶງໂຫດລົງມືຄາຕະກຳແຟນສາວ ຢູ່ທ່າແຂກ ແຂວງຄຳມ່ວນ ຍ້ອນຄິດວ່າແຟນສາວຈະເດີນທາງໄປຫາຜູ້ບ່າວ. ເຈົ້າໜ້າທີ່ ປກສ ເເຂວງຄໍາມ່ວນ ລາຍງານວ່າ: ວັນທີ 8 ພຶດສະພາ 2025 ເຈົ້າໜ້າທີ່ໄດ້ນໍາຕົວ ທ້າວ...

1 ນະຄອນ ແລະ 5 ເມືອງຂອງແຂວງຈໍາປາສັກໄດ້ຮັບໃບຢັ້ງຢືນເປັນນະຄອນ – ເມືອງພົ້ນທຸກ

ຊົມເຊີຍ 1 ນະຄອນ ແລະ 5 ເມືອງຂອງແຂວງຈຳປາສັກໄດ້ຮັບໃບຢັ້ງຢືນເປັນນະຄອນ - ເມືອງພົ້ນທຸກ. 1 ນະຄອນ ແລະ 5 ເມືອງຂອງແຂວງຈໍາປາສັກ ຄື: ນະຄອນປາກເຊ,...

ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ

ບໍລິສັດໄຟຟ້າລາວເຊັນ MOU ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ. ໃນວັນທີ 5 ພຶດສະພາ 2025 ຢູ່ ສໍານັກງານໃຫຍ່...