ວັນທີ 30 ກັນຍາ 2022 ນີ້, ທ່ານ ພົງສະຫວັນ ສິດທະວົງ ເຈົ້າແຂວງໄຊຍະບູລີ ພ້ອມດ້ວຍຄະນະ ລົງຕິດຕາມການກໍ່ສ້າງຂົວອູ່ ຢູ່ເມືອງເງິນ.
ການລົງເຄື່ອນໄຫວຕິດຕາມກວດກາວຽກງານຄັ້ງນີ້ ໄດ້ຕິດຕາມຄວາມຄືບຫນ້າການກໍ່ສ້າງຂົວອູ່ ຂ້າມນໍ້າງື່ມ ບ້ານນໍ້າທົນ ເຊິ່ງຂົວດັ່ງກ່າວແມ່ນ ເລີ່ມກໍ່ສ້າງມາແຕ່ວັນທີ 20 ສິງຫາ 2022, ມີຄວາມຍາວ ທັງໝົດ 75 ແມັດ, ສາຍຈ່ອງເບື້ອງລະ 10 ແມັດ ລວມທັງໝົດ 95 ແມັດ, ກວ້າງ 1,3 ແມັດ, ໃຊ້ສາຍສະລິງ, ໜ້າຂົ້ວປຸໃຊ້ໄມ້ແປ້ນ, ຮາກຖານ ແລະ ຕໍ່ມໍ ເບຕົງເສີມເຫຼັກ, ເສົາດືງແມ່ນເສົາເຫຼັກ ມູນຄ່າການກໍ່ສ້າງທັງໝົດ 399 ລ້ານກີບ, ໂດຍແມ່ນບໍລິສັດລຸ້ງໂລດ ກໍ່ສ້າງຂົວທາງຈໍາກັດ ເປັນຜູ້ຮັບເໝົາ.
ປັດຈຸບັນ ການກໍ່ສ້າງແມ່ນສໍາເລັດແລ້ວ 94% ສໍາລັບໜັາວຽກທີ່ຍັງຄ້າງແມ່ນການປູແປ້ນຂົວທີ່ຍັງບໍ່ສໍາເລັດ ຄາດວ່າຈະໃຫ້ສໍາເລັດ ໃນວັນທີ 12 ຕຸລາ 2022 ນີ້.
ແຫຼ່ງຂ່າວຈາກ ຄວາມສະຫງົບ