ການບິນລາວໄດ້ແຈ້ງການຢຸດການປະຕິບັດຖ້ຽວບິນ ວຽງຈັນ-ອຸດົມໄຊ-ວຽງຈັນ ເລີ່ມຕັ້ງແຕ່ 5 ຕຸລາເປັນຕົ້ນໄປ.
ສາເຫດຂອງການຢຸດທ່ຽວບິນນີ້
ວັນທີ 4 ຕຸລາ 2022 ທາງການບິນລາວກໍໄດ້ໃຫ້ສຳພາດຕໍ່ສື່ມວນຊົນວ່າ: ເນື່ອງຈາກໄດ້ຮັບຜົນກະທົບ ຫຼັງຈາກມີການເປີດໃຫ້ບໍລິການເສັ້ນທາງລົດໄຟລາວ-ຈີນ ເສັ້ນທາງພາກເໜືອ ໂດຍສະເພາະແລ້ວແມ່ນເສັ້ນທາງອຸດົມໄຊ ທີ່ມີສະຖານີໄກ້ກັບຕົວເມືອງທີ່ສຸດ ຈຶ່ງເຮັດໃຫ້ຜູ້ໂດຍສານເດີນທາງນຳສາຍການບິນໜ້ອຍລົງ, ແຕ່ທາງສາຍການບິນກໍພະຍາມຍາມຫາກາລະໂອກາດ ເພື່ອໃຫ້ຜູ້ໂດຍສານໄດ້ເດີນທາງສະດວກສະບາຍປະຢັດເວລາ, ທັງມີການຈັດໂປຣໂມຊັ່ນ ແລະ ຈັດຖ້ຽວບິນໃຫ້ເປັນປົກກະຕິ, ແຕ່ດ້ວຍຄວາມຕ້ອງການເດີນທາງຂອງຜູ້ໂດຍສານຕ່ຳລົງເລື້ອຍໆ ສະເລ່ຍໂຫຼດແຟັກເຕີ ບໍ່ເຖິງ 50% ເຮັດໃຫ້ພວກເຮົາມີການຂາດດຸນສະພາບຄ່ອງທາງດ້ານລາຍຮັບ ແລະ ລາຍຈ່າຍ, ບວກກັບສະພາບເສດຖະກິດ ແລະ ອັດຕາແລກປ່ຽນມີຫານເໜັງຕີງ, ໄດ້ລາຍຮັບເປັນສະກຸນເງິນກີບ (ເສັ້ນທາງພາຍໃນ) ແຕ່ມີລາຍຈ່າຍເປັນສະກຸນເງິນໂດລາ, ເຊິ່ງບໍ່ສາມາດແບກຮັບພາລະການຫລຸບທຶນໄປຫຼາຍກ່ອນນີ້, ດັ່ງນັ້ນ ຄະນະຜູ້ບໍລິການ ຈິ່ງໄດ້ຕັດສິນໃຈຢຸດການປະຕິບັດຖ້ຽວບິນເສັ້ນທາງດັ່ງກ່າວນັບຕັ້ງແຕ່ວັນທີ 5/10/2022 ເປັນຕົ້ນໄປ.
ແຕ່ຢ່າງໃດກໍຕາມ ອາດຈະໄດ້ກັບມາໃຫ້ບໍລິການອີກຄັ້ງອາດຈະຕ້ອງອີງຕາມສະພາບເສດຖະກິດ ແລະ ຄວາມຕ້ອງການຂອງຜູ້ໂດຍສານໃນອານາຄົດ.
