Homeຂ່າວພາຍ​ໃນສະພາບການລັກຊັບພົນລະເມືອງໃນສັງຄົມ

ສະພາບການລັກຊັບພົນລະເມືອງໃນສັງຄົມ

Published on

ປັດຈຸບັນ, ບັນຫາລັກຊັບພົນລະເມືອງ ຍັງສືບຕໍ່ພົ້ນເດັ່ນຢູ່ໃນສັງຄົມ ໃນແຕ່ລະວັນຈະມີກຸ່ມຄົນບໍ່ດີຈໍານວນໜຶ່ງຕັ້ງກັນເປັນກຸ່ມແກ້ງ ໃຊ້ຍານພາຫະນະເລາະເຄື່ອນໄຫວລັກຊັບ ເຊິ່ງພົ້ນເດັ່ນໃນປັດຈຸບັນແມ່ນບັນຫາລັກລົດຈັກ ໂດຍສ່ວນຫຼາຍມັກພົບເຫັນຕາມກ້ອງວົງຈອນປິດທີ່ບັນທຶກໄວ້ໄດ້ກ່ຽວກັບກຸ່ມຄົນບໍ່ດີເຄື່ອນໄຫວລັກລົດຈັກ.

ໃນທ້າຍເດືອນກຸມພາ 2022 ຜ່ານມາ, ປກສ ກຸ່ມໜອງໜ້ຽວ ເມືອງສີໂຄດຕະບອງ ນະຄອນຫຼວງວຽງຈັນ ສາມາດຈັບຕົວກຸ່ມເຄື່ອນໄຫວລັກລົດ ຈັກໄດ້ 2 ຄົນ ຊື່ທ້າວ ມານັດ ແລະ ທ້າວ ອຸດສາ ທັງສອງຢູ່ ບ້ານໜອງແຕ່ງໃຕ້ ພ້ອມຂອງກາງລົດຈັກ 2 ຄັນ ແລ້ວມອບໃຫ້ກອງບັນຊາການ ປກສ ເມືອງສີໂຄດຕະບອງ ດໍາເນີນຄະດີ; ຜ່ານການສອບສວນຂະຫຍາຍຜົນຂອງເຈົ້າໜ້າທີ່ມີຂໍ້ມູນຫຼັກຖານໃໝ່ນໍາຈັບຜູ້ ຮ່ວມຂະບວນການດຽວກັນໄດ້ອີກ 12 ຄົນ ຍິງ 3 ຄົນ ພ້ອມເກັບກູ້ລົດຈັກທີ່ຄົນຮ້າຍລັກໄປມາໄດ້ 3 ຄັນ;

ຜ່ານການສອບສວນຂອງເຈົ້າຫນ້າທີ່ຮູ້ວ່າ: ຜູ້ຖືກຫາ 12 ຄົນ ມີການພົວພັນຮ່ວມກັນລັກລົດຈັກແທ້, ເຊິ່ງເຮັດເປັນຂະບວນ ແລະ ລັກໄດ້ທັງໝົດ 26 ຄັນ ພາຍຫຼັງໄດ້ລົດມາໄດ້ກໍເອົາໄປຂາຍ ເພື່ອເອົາເງິນມາໃຊ້ຈ່າຍຫຼິ້ນກິນຟຸມເຟືອຍ, ນອກຈາກນີ້ ຍັງມີຫຼາຍເຫດການທີ່ກອງບັນທຶກໄວ້ໄດ້ກ່ຽວກັບການເຄື່ອນໄຫວລັກລົດຈັກ ແຕ່ເຈົ້າໜ້າທີ່ກ່ຽວຂ້ອງ ຍັງບໍ່ສາມາດຈັບຕົວກຸ່ມຄົນດັ່ງກ່າວໄດ້ໝົດເທື່ອ.

ບັນຫາລັກລົດຈັກແມ່ນປະກົດການຫຍໍ້ທໍ້ໜຶ່ງທີ່ເກີດຂຶ້ນຢ່າງແຜ່ຫຼາຍ ແລະ ພວມພົ້ນເດັ່ນທີ່ສຸດໃນສັງຄົມ ມັນໄດ້ສ້າງຄວາມເສຍຫາຍໃຫ້ແກ່ເຈົ້າຂອງຊັບເປັນຈໍານວນຫຼວງຫຼາຍ ແລະ ຍາກທີ່ຈະໄດ້ກັບຄືນ ມາເມື່ອຖືກລັກໄປ; ສະນັ້ນ, ທຸກຄົນໃນສັງຄົມຕ້ອງມີສະຕິລະວັງຕົວ, ເອົາໃຈໃສ່ປົກປັກຮັກສາຊັບສິນຂອງຕົນເອງ ໂດຍສະເພາະແມ່ນລົດຈັກ ບໍ່ຄວນສຽບກະແຈປະໄວ້ຢູ່  ຖ້າວ່າທຸກຄົນມີສະຕິຮັກສາລົດຈັກຂອງຕົນໃຫ້ດີເຊື່ອວ່າ ບັນຫາລັກລົດຈັກກໍ່ຈະຫຼຸດໜ້ອຍຖອຍລົງ ແລະ ຈະບໍ່ເກີດຂຶ້ນ.

ແຫຼ່ງຂ່າວຈາກ ຄວາມສະຫງົບ

ບົດຄວາມຫຼ້າສຸດ

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...

ແຂວງໃດກໍພົບເຫັນໄຊສົມບູນ ກວດພົບພະນັກງານສໍ້ລາດບັງຫຼວງ 12 ຄົນມູນຄ່າເສຍຫາຍ 10 ກວ່າຕື້ກີບ

ໃນຕອນເຊົ້າວັນທີ 11 ພະຈິກ 2026 ແຂວງໄຊສົມບູນ ໄດ້ເປິດກອງປະຊຸມສະຫຼຸບຕີລາວຽກງານກວດກາ ທົ່ວແຂວງ 5 ປີ (2021-2025) ແລະ ທິດທາງແຜນການ 5 ປີ...