ເກີດເຫດຢຽບກັນເສຍຊີວິດໃນເດີ່ນກິລາເຕະບານໃນປະເທດອິນໂດເນເຊຍ ເພີ່ມເປັນ 131 ຄົນແລ້ວ ໃນນັ້ນມີຕຳຫຼວດ 2 ຄົນ ທີ່ຖືກແຟນກິລາເຕະບານທຳຮ້າຍຮ່າງກາຍຈົນເສຍຊີວິດ ນີ້ຖືວ່າເປັນຂ່າວຮ້າຍຄັ້ງໃຫຍ່ຂອງໂລກທີ່ເກີດເຫດການແບບນີ້.

ທ່ານ ໂຈໂກ ວິໂດໂດ ປະທານາທິບໍດີຊອງອິນໂດເນເຊຍ ສັ່ງໃຫ້ລະງັບການແຂ່ງຂັນທັງໝົດຂອງລີກບານເຕະຄັ້ງໃຫຍ່ສຸດຂອງປະເທດ ຈົນກວ່າຈະມີການສືບສວນສາເຫດ ແລະ ຜູ້ກະທຳຜິດສຳເລັດ.

ຄວາມວຸ່ນວາຍໃນຄັ້ງນີ້ ເກີດຂຶ້ນຫຼັງຈາກຕຳຫຼວດໄດ້ຕັດສິນໃຈໃຊ້ແກສນ້ຳຕາ ເພື່ອພະຍາຍາມສະຫຼາຍການຈະລາຈອນຂອງແຟນບານເຕະ ທີ່ບຸກລົງມາໃນສະໜາມຫຼັງຈາກທີມອາເຣມາ ເອຟຊີ ໄດ້ເສຍໃຫ້ກັບການແຂ່ງຂັນບານເຕະທີມເພີເຊບາຢາ ສຸຣາບາຢາ ດ້ວຍຄະແນນ 3 ຕໍ່ 2 ໂດຍການແຂ່ງຂັນຈັດຂຶ້ນໃນແຂວງຊະວາ ຕະເວັນອອກ.

ທີມອາເຣມາ ເອຟຊີ ແລະ ທີມເພີເຊບາຢາ ສຸຣາບາຢາ ຖືວ່າເປັນສະໂມສອນບານເຕະຂະໜາດໃຫຍ່ທີ່ສຸດຂອງອິນໂດເນເຊຍ ແລະ ມີຖານແຟນບານຈຳນວນຫຼາຍ.

ເຖິງຢ່າງໃດກໍຕາມເຫດການຄວາມວຸ່ນວາຍທີ່ຄ້າຍຄືກັນນີ້ ໄດ້ເກີດຂຶ້ນຫຼາຍຄັ້ງແລ້ວໃນອິນໂດເນເຊຍ.

ແຫຼ່ງຂ່າວຈາກ ຣອຍເຕີ