ສານທະຫານມຽນມາພິພາກສາຈຳຄຸກ ນາງ ອອນຊານ ຊູຈີ ອະດີດຜູ້ນຳມຽນມາ ເພີ່ມອີກ 3 ປີ ໃນຖານລະເມີດຄວາມລັບຂອງລັດຖະບານ ເຊິ່ງນາງ ອອນຊານ ຊູຈີ ປະຕິເສດທຸກຂໍ້ກ່າວຫານັບຕັ້ງແຕ່ຖືກຈັບຫຼັງຈາກເກີດລັດຖະປະຫານເມື່ອເດືອນ 2021 ອອນຊານ ຊູຈີ ຖືກລັດຖະບານມຽນມາດຳເນີນຄະດີໃນຫຼາຍຂໍ້ຫາຄື ໂກງການເລືອກຕັ້ງໃນປີ 2020 ຍ້ອນ ອອນຊານ ຊູຈີ ໄດ້ຊະນະການເລືອກຕັ້ງດ້ວຍຄະແນນສຽງທີ່ຫຼາຍທີ່ສຸດ ລວມທັ້ງຂໍ້ຫາຄໍລັບຊັ່ນ ລະເມີດມາດຕະການປ້ອງກັນພະຍາດໂຄວິດ-19 ແລະ ຂໍ້ຫາອື່ນໆ.
ໃນຂະນະທີ່ ທ້າວ ຊອນ ເທີເນລ ຄົນອົດສະຕຣາລີ ອະດີດທີ່ປຶກສາທາງເສດຖະກິດຂອງ ຊູຈີ ຖືກຕັດສິນຈຳຄຸກ 3 ປີ ໃນຂໍ້ຫາລະເມີດກົດໝາຍຄວາມລັບຂອງລັດຖະບານເຊັ່ນດຽວກັນ ໂດຍລາວຖືກກ່າວຫາວ່າລັກລອບຄອບຄອງເອກະສານລັບສູງສຸດຂອງລັດຖະບານ ແຕ່ຄອບຄົວຂອງ ເທີເນລ ໄດ້ອອກມາຮຽກຮ້ອງຂໍຄວາມເປັນທຳ ແລະ ຕ້ອງການໃຫ້ປ່ອຍໂຕ ແລ້ວສົ່ງກັບອົດສະຕຣາລີ.
ທັ້ງນີ້ ສື່ຂ່າວຕ່າງປະເທດວິເຄາະວ່າ ລັດຖະບານທະຫານນີ້ ຈະຍັດທຸກຂໍ້ກ່າວຫາໃຫ້ກັບ ນາງ ອອນຊານ ຊູຈີ ເພື່ອໃຫ້ລາວໝົດອະນາຄົດທາງການເມືອງ.
ແຫຼ່ງຂ່າວຈາກ ຣອຍເຕີ