ໂຄງການກໍ່ສ້າງຂົວຂ້າມນ້ຳຂອງຈຸດເມືອງປາກແບງ-ເມືອງເງິນ ທີ່ຈະໃຫ້ສ້າງສຳເລັດພາຍໃນປີ 2015, ວາງເປົ້າໝົດ
ສົກ 2013-2014 ຕ້ອງມີຄວາມຄືບໜ້າຫຼາຍກວ່າ 60% ແຕ່ຜ່ານການປະເມີນຍັງຫຼຸດແຜນກວ່າ 10%.
ທ່ານ ລີຍິ່ງ ໄຊຍະຊາງ ຮອງຫົວໜ້າໂຄງການກໍ່ສ້າງຂົວຂ້າມນ້ຳຂອງປາກແບງ-ເມືອງເງິນ ໄດ້ເປີດເຜີຍຕໍ່ກັບທີມຂ່າວ
ເສດຖະກິດວ່າ: ແຜນດຳເນີນໂຄງການກໍ່ສ້າງຂົວຂ້າມນ້ຳຂອງລະຫວ່າງເມືອງປາກແບງ ແຂວງອຸດົມໄຊຫາເມືອງເງິນ
ແຂວງໄຊຍະບູລີ ມາຮອດເດືອນກັນຍາ 2014 ໜ້າວຽກ ໂດຍລວມປະຕິບັດໄດ້ທັງໝົດ 55,95% ຫຼຸດ 10,41% ເມື່ອທຽບ
ໃສ່ແຜນສົກ 2013-2014.
ທ່ານຮອງຫົວໜ້າໂຄງການໃຫ້ຮູ້ວ່າ: ການປະຕິບັດໂຄງການຊ້າກວ່າແຜນການເນື່ອງມາຈາກການກໍ່ສ້າງຕົວຈິງຢູ່ໃນ
ພາກສະໜາມມີຄວາມຫຍຸ້ງຍາກພໍສົມຄວນ, ເຮັດໃຫ້ໄລຍະເວລາເກືອບ 2 ເດືອນ (ນັບແຕ່ວັນທີ 2 ກັນຍາ 2014 ເປັນ
ຕົ້ນມາ) ທີ່ບໍ່ໄດ້ດຳເນີນການກໍ່ສ້າງ ບໍ່ວ່າຈະເປັນວຽກໂຄງສ້າງພາກສ່ວນເທິງກໍຄືຂາງຂົວ ສະເພາະວຽກການເທເບຕົງ
ແມ່ນສອງຝ່າຍ (ບໍລິສັດ ແລະ ເຈົ້າຂອງໂຄງການ) ທີ່ບໍ່ສາມາດຕົກລົງກັນໄດ້ ສະນັ້ນ ຈິ່ງເຮັດໃຫ້ການປະຕິບັດວຽກຕົວ
ຈິງມີຄວາມຫຼ້າຊ້າກວ່າແຜນວາງໄວ້, ສ່ວນວຽກດິນຂຸດທາງເຂົ້າຂົວແມ່ນໄດ້ຈັດຕັ້ງປະຕິບັດເປັນປົກກະຕິ.
ໂຄງການກໍ່ສ້າງຂົວຂ້າມນ້ຳຂອງ ປາກແບງ-ເມືອງເງິນ ຕາມແຜນການ ໃນສັນຍາແມ່ນຈະໃຊ້ເວລາໃນການກໍສ້າງທັງ
ໝົດ 3 ປີ (36 ເດືອນ), ໂດຍເລີ່ມກໍ່ສ້າງແຕ່ວັນທີ 23 ທັນວາ 2012, ແຕ່ຜູ້ຮັບເໝົາໄດ້ດັດແກ້ແມ່ນຈະໃຫ້ສຳເລັດໃນ
ວັນທີ 22 ມີນາ 2015 ຊຶ່ງຈະໃຊ້ໄລຍະເວລາ 28 ເດືອນ, ມາຮອດປະຈຸບັນຕາມແຜນດັດແກ້ໃໝ່ຂອງສົກປີນີ້ ແມ່ນຈະ
ໃຫ້ສຳເລັດໃນວັນທີ 9 ສິງຫາ 2015 ເປັນ 33 ເດືອນ.
ແຫລ່ງຂ່າວ: ເສດຖະກິດ – ສັງຄົມ