ອະດີດນາງງາມມຽນມາ ໄດ້ຮັບສະຖານະເປັນຜູ້ລີ້ໄພໃນການາດາແລ້ວ ຫຼັງຈາກຖືກກັກໂຕທີ່ສະໜາມບິນສຸວັນນະພູມ ປະເທດໄທ ແລະ ຖືກຫ້າມເຂົ້າປະເທດໃນອາທິດແລ້ວນີ້.

ທະຫານມຽນມາອອກໝາຍຈັບ ເນື່ອງຈາກລາວໄດ້ເວົ້າຕໍ່ຕ້ານລັດທະບານທະຫານ ຂະນະທີ່ຢູ່ເທິງເວທີໃນຖານະໜຶ່ງໃນຜູ້ເຂົ້າປະກວດຮອບ 20 ຄົນສຸດທ້າຍໃນການປະກວດ ມີສແກຣນດຼ ອິນເຕີແນເຊິນນໍ (Miss Grand International).

ແຫຼ່ງຂ່າວດ້ານຄວາມໝັ້ນຄົງ ກ່າວວ່າ ນາງ ທໍ່ ນານດາ ອ່ອງ ຫຼື ຮັນ ເລ ຜູ້ເຂົ້າປະກວດ Miss Grand International ຂອງປີທີ່ຜ່ານມານນີ້ ຈະເດີນທາງອອກຈາກປະເທດໄທດ້ວຍທ່ຽວບິນ KE652 ຂອງ Korean Air ໃນວັນອັງຄານນີ້ແລ້ວ.

The Miss Grand International ມຽນມາ ປີ 2020 ຈະພັກປ່ຽນເຮືອບິນທີ່ເກົາຫຼີໃຕ້ ແລະ ປ່ຽນໄປເປັນທ່ຽວບິນ KE652 ເພື່ອເດີນທາງໄປໂຕລອນໂຕ ປະເທດການາດາ ໃນຄືນວັນອັງຄານ.

ມີລາຍງານວ່າ ນາງ ຮັນ ເລ ໄດ້ຍື່ນຂໍລີ້ໄພກັບ ສຳນັກງານຂ້າຫຼວງໃຫຍ່ຜູ້ລີ້ໄພແຫ່ງສະຫະປະຊາຊາດ  (UNHCR) ໃນປະເທດໄທ ຫຼັງຈາກທີ່ລາວໄດ້ຖືກປະຕິເສດບໍ່ໃຫ້ເຂົ້າປະເທດເມື່ອລາວກັບຈາກດານັງ ປະເທດຫວຽດນາມໃນອາທິດແລ້ວ.

ແຫຼ່ງຂ່າວຈາກລັດຖະບານທະຫານມຽນມາ ກ່າວວ່າ ອາດຈະໄດ້ຖອນໜັງສືຜ່ານແດງຂອງ ນາງ ຮັນ ເລ.