ນະຄອນຫຼວງວຽງຈັນ ແລະ ໜອງຄາຍ ເຂົ້າຮ່ວມກອງປະຊຸມ ແລະ ເຊັນບົດບັນທຶກກອງປະຊຸມຂອງຄະນະກຳມາການ ການຮ່ວມມືຮັກສາຄວາມສະຫງົບຮຽບຮ້ອຍຕາມຊາຍແດນລາວ-ໄທ ນະຄອນຫຼວງວຽງຈັນ-ໜອງຄາຍ.
ໃນວັນທີ 21 ກັນຍາ 2022 ທີ່ໜອງຄາຍ ມີກອງປະຊຸມຄະນະກຳມະການຮັກສາຄວາມສະຫງົບຢູ່ຕາມຊາຍແດນລາວ-ໄທ ນະຄອນຫຼວງວຽງຈັນ-ໜອງຄາຍ ໂດຍມີ ທ່ານ ມົນສິດ ໄພສານທະນະວັດ ເຈົ້າແຂວງໜອງຄາຍ ປະທານຄະນະກຳມະການຮັກສາຄວາມສະຫງົບຮຽບຮ້ອຍ ຢູ່ຕາມຊາຍແດນໜອງຄາຍ ແລະ ທ່ານ ອາດສະພັງທອງ ສີພັນດອນ ເຈົ້າຄອງນະຄອນຫຼວງວຽງຈັນ ປະທານຄະນະກຳມະການຮັກສາຄວາມສະຫງົບຮຽບຮ້ອຍຢູ່ຕາມຊາຍແດນນະຄອນຫຼວງວຽງຈັນ ເປັນປະທານການປະຊຸມ ແລະ ມີໜ່ວຍງານທີ່ກ່ຽວຂ້ອງເຂົ້າຮ່ວມ.
ພາຍຫຼັງກອງປະຊຸມ ທ່ານ ມົນສິດ ແລະ ທ່ານ ອາດສະພັງທອງ ໄດ້ຮ່ວມກັນລົງນາມໃນບົດບັນທຶກຂອງກອງປະຊຸມກຳມະການຮັກສາຄວາມສະຫງົບຮຽບຮ້ອຍຕາມຊາຍແດນໄທ-ລາວ ນະຄອນຫຼວງວຽງຈັນ-ໜອງຄາຍ ເຊິ່ງການປະຊຸມດັ່ງກ່າວມີ 27 ຫົວຂໍ້ ທີ່ຄວບຄຸມຄວາມຮ່ວມມືຮັກສາຄວາມສະຫງົບຮຽບຮ້ອຍ ຢູ່ຕາມຊາຍແດນລາວ-ໄທ ໃນທຸກດ້ານ.
ແຫຼ່ງຂ່າວຈາກ ສຳນັກງານປະຊາສຳພັນຈັງຫວັດໜອງຄາຍ